29:223  223  SERMON  CO.  224  nous  apprenions  auiourd'huy  de  faire  valloir  la  resurrection  de  nostre  Seigneur  Iesus  Christ,  quand  quelqu'un  trespasse,  qu'en  la  sepulture  il  y  ait  simplicite,  qu'on  n'use  point  de  ces  fanfares  pour  se  mocquer  de  Dieu,  et  puis  pour  envelopper  le  peuple  en  beaucoup  d'erreurs  et  de  superstitions.  Et  ce  n'est  point  sans  cause  qu'il  est  dit  que  nostre  Seigneur  Iesus  Christ  a  este  enseveli  a  la  facon  des  Iuifs,  pour  monstrer  que  cela  auiourd'huy  doit  ostre  change  entre  nous,  et  que  nous  devons  avoir  un  usage  nouveau.  Et  au  reste  aussi  que  nous  moderions  nos  pleurs,  que  nostre  dueil  ne  soit  pas  excessif,  voyant  que  nous  avons  dequoy  nous  consoler:  ce  que  n'ont  pas  eu  ceux  qui  ont  vescu  sous  la  Loy,  pour  le  moins  si  amplement  que  nous:  et  que  nous  prattiquions  ceste  doctrine  que  nous  enseigne  l'Evangile,  et  sainct  Paul  aux  Thessaloniciens.  Voila  quant  a  cest  article,  ou  il  est  parle  du  dueil  qu'on  a  mene  sur  le  trespas  de  Moyse.  Or  il  s'ensuit:  Que  Iosue  fils  de  Nun  a  este  rempli  d'Esprit  de  sagesses  pource  que  Moyse  avoit  mis  les  mains  sur  luy.  Or  ici  derechef  le  peuple  est  admonneste  comme  Dieu  ne  l'a  point  destitue,  encores  qu'il  en  fust  digne.  Et  c'est  une  doctrine  fort  utile,  que  nous  sachions  que  Dieu  gouverne  son  Eglise,  et  que  iamais  il  ne  la  met  en  oubli.  Car  sans  cela,  quelle  foy  pourroit  estre  en  nous?  nous  serions  la  comme  esperdus:  car  cependant  que  Dieu  nous  gouverne,  estans  appuyez  sur  luy  nous  pouvons  hardiment  marcher  et  suyvre  nostre  train.  Mais  si  la  main  de  Dieu  se  retire,  et  que  nous  n'appercevions  point  qu'il  guide  nos  pas,  qu'il  ait  le  soin  de  nous,  et  que  nous  soyons  sous  sa  protection,  malheur  sur  nous:  et  les  hommes  sont  par  trop  stupides,  si  alors  ils  ne  sont  du  tout  effrayez.  Voici  donc  nostre  felicite,  c'est  que  Dieu  veille  sur  nous,  et  que  nous  soyons  gouvernez  sous  sa  main  et  sous  sa  protection.  Or  il  n'apparoist  pas  tousiours  visiblement  pour  declarer  sa  presence,  mais  il  nous  donne  gens  qui  sont  Ministres  de  sa  grace.  Il  est  vray  qu'alors  il  y  a  eu  les  signes  visibles,  pour  monstrer  que  Dieu  habitoit  au  milieu  de  son  peuple:  mais  cependant,  comme  il  s'est  servi  de  Moyse,  aussi  il  a  voulu  que  Iosue  succedant  au  lieu.  Et  voila  pourquoy  il  est  dit:  Quil  a  este  rempli  d'Esprit  de  sagesse,  afin  que  nous  cognoissions  que  Dieu  s'est  tousiours  monstre  pitoyable  envers  son  Eglise:  et  comme  un  pere  aura  soin  de  ses  enfans,  et  les  provoyra  de  ce  qu'il  sait  leur  estre  utile,  ainsi  Dieu  a  tousiours  prevenu  les  necessitez  de  son  peuple.  Or  ceste  doctrine  (comme  i'ay  dit)  nous  attouche  aussi  bien:  car  nous  avons  Ia  promesse,  que  Dieu  ne  nous  defaudra  iamais,  si  nous  sommes  de  son  trouppeau,  et  que  nous  venions  nous  cacher  sous  ses  aisles,  pour  estre  conduits  de  luy:  nous  savons  qu'il  a  donne  cest  office  a  nostre  Seigneur