27:223  223  SERMON  LXXXV.  224  que  ses  commandemens  ont  une  telle  authorite  envers  nous  que  nous  plions  le  col  pour  recevoir  le  ioug  qu'il  nous  met  dessus.  Mais  cela  encores  ne  suffiroit  point,  si  nous  n'avions  ce  que  Moyse  adiouste,  qu'il  n'est  point  licite  d'adiouster  ne  diminuer  a  ce  que  Dieu  nous  commande.  Comme  les  Papistes  auiourd'huy,  quand  ils  meslent  toutes  leurs  folies  avec  la  parolle  de  Dieu,  il  leur  semble  qu'en  cela  ils  ne  peuvent  faillir.  Et  pourquoy?  Nous  faisons  ce  que  Dieu  nous  commande  (diront-ils).  Nous  ne  nions  pas  qu'il  ne  nous  faille  garder  la  Loy  de  Dieu  :  mais  quel  mal  y  aura-il  quand  nous  ferons  encores  plus?  Si  nous  avons  quelque  devotiou  du  superabondant,  Dieu  n'acceptera-il  pas  cela?  Si  ie  fay  d'avantage  que  ce  a  quoy  ie  suis  oblige:  pourquoy  Dieu  ne  le  trouvera-il  bon?  Ie  feray  bien  ce  qu'il  m'ordonne  :  mais  i'adiousteray  encores  a  son  service  et  ceci  et  cela.  Quand  les  Papistes  ont  une  telle  couverture,  il  leur  semble  que  tout  leur  cas  vad  tresbien:  et  cependant  ils  ne  regardent  pas  que  Dieu  veut  estre  luy  seul  sage,  qu'il  veut  avoir  ceste  maistrise,  d'estre  seul  Legislateur  sur  nous.  Les  Papistes  donc  blasphement  Dieu  en  deux  sortes,  en  faisant  semblant  d'estre  plus  devots  qu'il  ne  l'a  entendu.  Car  quand  nous  inventons  ainsi  en  nostre  teste  quelque  moyen  de  plaire  a  Dieu,  c'est  autant  comme  s'il  ne  s'en  estoit  point  advise.  Voila  Dieu  qui  dit:  Toute  vostre  sagesse  sera  de  ni'escouter:  nous  avons  veu  cela  au  quatriesme  chap.  comme  il  en  est  aussi  parle  au  10,  Israel,  qu'est-ce  que  ton  Dieu  demande  de  toy,  sinon  que  tu  adheres  a  luy,  et  que  tu  sois  du  tout  sien.  Nous  voyons  par  cela  que  Dieu  a  voulu  comprendre  un  sommaire  de  toute  sainctete  et  iustice  en  sa  Loy,  tellement  que  c'est  une  perfection  a  laquelle  on  ne  peut  rien  adiouster.  Or  les  hommes  cuident,  et  pensent  qu'ils  feront  encores  mieux.  Et  qu'est-ce  a  dire  cela?  N'est-ce  point  accuser  Dieu  comme  s'il  s'estoit  oublie,  et  qu'il  n'eust  point  regarde  a  tout?  Voila  un  blaspheme  execrable  et  diabolique.  Ainsi,  que  les  Papistes  ne  se  vantent  point  de  servir  a  Dieu:  le  diable  est  leur  maistre,  et  Dieu  desadvoue  tout  ce  qu'ils  font.  Car  il  leur  pourra  tousiours  repliquer:  Qui  est-ce  qui  a  demande  ceci  de  vos  mains?  Et  non  sans  cause:  car  en  ce  faisant,  c'est  autant  comme  si  on  luy  reprochoit  qu'il  a  porte  envie  aux  hommes,  et  qu'il  ne  les  a  pas  fidelement  enseignez  de  ce  qui  leur  estoit  propre.  Et  ie  vous  prie,  ce  blaspheme-la  est-il  supportable  non  plus?  Mais  il  y  a  le  second  que  i'ay  touche.  Car  ces  deux  peuvent  estre  conioints  en  un.  Il  y  a  donc  le  second,  qu'ils  deroguent  pleinement  a  l'empire  souverain  que  Dieu  a  sur  nous.  Car  voila  qu'ils  alleguent:  Et  bien,  Dieu  a  ordonne  par  sa  Loy  que  nous  gardions  ses  edicts,  ses  statuts,  ses  ordonnances  :  mais  ce  ne  sera  point  de  mal  d'adiouster  en-