10.1:223  CONSILIA.  fortasse  ut  et  causam  ego  eminus  exactius  expendo,  quam  vos  in  medio  illo  contentionis  strepitu  et  pulvere  cernatis.  Ac  spero  omnino  de  vobis,  sic  ista  a  vobis  acceptum  iri,  ut  et  mihi  ad  Deo  gratias  agendum  vestro  nomine  os  aperiatis.  Quod  si  vobis  modicam  tristitiam  attuli,  mo  quidem  non  poenitet,  ut  Paulus  loquitur  (2.  Cor.  7,  8.  9),  dummodo  ista  sit  tristitia  secundum  Deum  :  ubi  nempe  ita  vos  admissae  culpae  poenitebit,  ut  consultius  deinceps  agatis.  Scitis  quam  ipse  cupiam  me  ipsum  'consolari,  dum  vobis  bimul  gaudii  materiam  obtulero.  Quum  vero  aliquid  mali  subortum  est,  illic  sese  vera  amicitia  exserit  ubi  ad  vitia  non  connivemus,  sed  libere  coarguimus,  ut  nullus  pravus  affectus  aut  carnalis  intermistus  sit.  Si  quis  de  me  hic  queretur,  videat  in  primis  an  suum  reatum  serio  excusserit,  cui  censura  adeo  molesta  sit.  Atqui  longe  me  melior  de  vobis  spes  sustinet,  uti  hactenus  vestri  experimentum  habui.  Qui  enim  Deo  vos  obsequentes  praestatis,  dociles  etiam  exhibituros  statuo,  et  aequo  ac  pacato  animo  admissuros  reprehensiones,  quae  ex  ipsius  verbo  ad  vos  ita  diriguntur,  ut  quae  in  illis  amaritudo  subest,  ad  interiorem  sanitatem  et  animae  salutem  plurimum  faciat.  Valete  amantissimi  fratres.  Dominus  vos  omnes  foveat  in  timore  nominis  sui  et  veritatis  dilectione,  det  vobis  continuum  incrementum  in  omni  bono  et  gratia  spiritus  sui,  ut  glorificetur  in  vobis  nomen  ipsius  magis  ac  magis.  Amen.  QUUM  A  MINISTERIO  QUIS  INDICTA  CAUSA  ABDICATUS  ESSET,  i)  Quum  et  de  turbis  quae  vestram  ecclesiam  vexarunt,  et  de  mutatione  pastoris  subsequuta  audivissemus,  testatus  sit  etiam  apud  nos  N.  non  constare  sibi,  quamobrem  ministerio  a  vobis  abdicatus  esset:  commodissimum  duximus  paucis  vos  ea  de  re  commonefacere,  quod  eodem  animo  quo  scribitur  a  nobis  acceptum  iri  confisi  sumus.  Et  quemadmodum  zelo  christiano  ac  sinceritate  et  vero  amore  fraterno  eo  adducimur,  ita  etiam  facite,  ut  spiritum  illum  mansuetudinis  quem  scriptura  unice  commendat,  nobis  audiendis  accommodetis.  Non  est  vero  quod  multum  disceptemus,  quam  illa  diaria  propinquam  ecclesiae  ruinam  minitetur,  ubi  res  eo  redierunt,  ut  magistratus  ipse  absolute  ac  per  se  ministros  vel  abdicet  vel  instituat.  Quia  tamen  eo  quandoque  rediguntur,  ubi  fervent  contentiones  ac  turbae,  neque  remedia  ordinaria  locum  amplius  habere  possunt,  experientia  edoctos  esse  oportebit  in  poste-  1)  Epp.  et  Besponsa  ed.  Genev.  348,  Laus,  p.  659,  Hanov.  p.  741,  Chouet  p.  478,  Amst.  218.  Ex  gallico.