1:223  [CO  1.  223]  nulla  haesitatione  accipienda  est  quorumvis  pastorum  doctrina,  quorsum  attinebat,  toties  tamque  sollicite  Domini  verbo  nos  admoneri,  ne  pseudoprophetarum  aut  pseudopastorum  sermoni  auscultaremus?  Nolite,  inquit  Dominus,  audire  verba  prophetarum,  qui  prophetant  vobis.  Vanitatem  enim  docent  vos  et  visionem  cordis  sui  loquuntur,  non  ex  ore  Domini  (Ier.  23).  Item  (Matth.  7):  Cavete  vobis  a  falsis  prophetis,  qui  veniunt  ad  vos  in  vestitu  ovium,  intrinsecus  autem  sunt  lupi  rapaces.  Frustra  et  Ioannes  (1  Ioan.  4)  nos  hortaretur,  ut  probemus  spiritus,  numquid  ex  Deo  sint.  Cui  iudicio  ne  angeli  quidem  eximuntur,  nedum  diaboli  mendacia  (Gal.  1).  Quid  autem  istud  (Matth.  15):  si  caecus [p. 459]  caecum  ducat,  ambo  in  foveam  cadent.  An  non  satis  declarat,  multum  interesse,  quales  pastores  audiantur,  nec  temere  omnes  audiendos?  Quare  [OS  253]  non  est  quod  suis  titulis  nos  absterreant,  quo  in  participationem  trahant  suae  caecitatis,  cum  videamus  contra,  singularem  Domino  curam  fuisse  absterrendi  nos,  ne  alieno  errore  duci  pateremur,  sub  quacunque  nominis  larva  lateat.  Nam  si  verum  est  verbum  Domini,  caeci  quoque  duces,  sive  antistites  sive  praesules  sive  pontifices  dicantur,  nihil  possunt  quam  suos  consortes  in  idem  rapere  praecipitium.  Restat  altera  pars  de  legibu  :  quas,  ut  centies  iniquae  sint  nobis  et  iniuriae,  nulla  tamen  exceptione  audiendas  contendunt.  Non  enim  hic  agi,  ut  erroribus  consentiamus,  sed  tantum  ut  dura  praefectorum  imperia  subditi  perferamus,  quae  detrectare  non  est  nostrum.  Verum  hic  quoque  nobis  optime  verbi  sui  veritate  succurrit  Dominus,  nosque  a  tali  servitute  in  libertatem  vindicat,  quam  sacro  suo  sanguine  nobis  acquisivit.  Non  enim,  quod  malitiose  fingunt,  id  solum  agitur,  ut  gravem  aliquam  oppressionem  in  corpore  nostro  perferamus,  sed  ut  conscientiae,  libertate  sua,  hoc  est,  sanguinis  Christi  beneficio  spoliatae,  serviliter  crucientur.  Quanquam  istud  etiam, [p. 460]  ac  si  parum  ad  rem  faceret,  omittemus.  At  quanti  putamus  referre,  suum  Domino  regnum  eripi,  quod  tanta  severitate  sibi  asserit?  Eripitur  autem,  quoties  humanarum  inventionum  legibus  colitur,  quando  solus  ipse  cultus  sui  vult  haberi  legislator.  Ac  ne  rem  esse  nihili  quis  existimet,  audiant  quanti  reputetur  a  Domino.  Quoniam,  inquit  (Ies.  29),  timuit  me  populus  iste  mandato  et  doctrinis  hominum,  ecce  ego  addam  et  admirationem  faciam  ei,  miraculo  grandi  et  stupendo.  Peribit  enim  sapientia  a  sapientibus  eius  et  intellectus  prudentum  abscondetur.  Alibi  (Matth.  15):  frustra  me  colunt,  docentes  doctrinas,  praecepta  hominum.  Mirantur  plerique  cur  adeo  acriter  interminetur  Dominus,  se  facturum  stupenda  populo,  a  quo  mandatis  et  doctrinis  hominum  colebatur,  et  se  frustra  coli  pronunciat  hominum  praeceptis.  At  si  spectarent,