56:222  avons  la  veu  les  enfans  d'Enac.  30.  Les  Amalecites  habitent  en  la  terre  Meridionale:  les  Iebusiens,  et  les  Hethiens,  et  les  Amorrheens  habitent  en  la  montagne:  et  les  Chananeens  habitent  vers  la  mer  au  rivage  du  Iordain.  31.  Adonc  Caleb  fit  taire  le  peuple  devant  Moyse,  et  dit,  Montons,  et  la  possedons:  car  nous  la  pourrons  surmonter.  32.  Mais  les  personnages  qui  estoyent  montez  avec  luy  dirent,  Nous  ne  pourrions  monter  a  ce  peuple,  car  il  est  plus  fort  que  nous.  33.  Et  rapporterent  choses  diffamatoires  de  la  terre,  laquelle  ils  avoyent  espiee  aux  enfans  d'Israel,  disans.  La  terre  par  laquelle  nous  sommes  passez  pour  espier,  est  une  terre  qui  consume  ses  habitans:  et  tout  le  peuple  que  nous  y  avons  veu,  sont  gens  de  grande  stature.  34.  Iliec  aussi  nous  avons  veu  des  Geans  des  enfans  d'Enac,  de  la  race  des  Geans,  tellement  qu'il  nous  sembloit  que  nous  fussions  sauterelles  au  regard  d'eux.  Chapitre  XIV.  1.  Lors  toute  l'assemblee  se  leva,  et  esleva  son  cri,  et  le  peuple  pleura  ceste  nuit.  2.  Et  tous  les  enfans  d'Israel  se  mutinerent  contre  Moyse  et  contre  Aaron:  et  toute  l'assemblee  leur  dit,  A  nostre  volonte  que  fussions  morts  au  pays  d'Egypte,  ou  bien  a  nostre  volonte  que  fussions  morts  en  ce  desert,  3.  Et  pourquoy  l'Eternel  nous  a-il  fait  venir  en  ceste  terre,  pour  nous  faire  tomber  par  glaive,  et  pour  faire  que  nos  femmes  et  nos  petis  soyent  en  proye?  Ne  nous  vaudroit-il  point  mieux  retourner  en  Egypte.  4.  Et  ils  dirent  l'un  a  l'autre,  constituons  un  chef,  et  nous  en  retournons  en  Egypte.  5.  Adonc  Moyse  et  Aaron  se  prosternerent  sur  leurs  faces  devant  toute  l'assemblee  de  la  multitude  des  enfans  d'Israel.  6.  Et  Iosue  fils  de  Nun,  et  Caleb  fils  de  Iephone,  qui  estoyent  du  nombre  do  ceux  qui  avoyent  espie  la  terre,  deschirerent  leurs  vestemens,  7.  Et  parleront  a  toute  l'assemblee  des  enfans  d'Israel,  disans,  La  terre  par  laquelle  nous  avons  passe  pour  l'espier,  est  une  terre  tresfort  bonne.  8.  Si  l'Eternel  nous  est  propice,  il  nous  fera  entrer  en  ceste  terre,  et  nous  la  baillera,  et  c'est  une  terre  ayant  affluence  de  laict  et  de  miel.  9.  Mais  ne  soyez  rebelles  contre  l'Eternel,  et  ne  craignez  point  le  peuple  du  pays:  car  ils  nous  seront  comme  nostre  pain,  d'autant  que  leur  protection  leur  est  ostee:  et  l'Eternel  este  avec  nous:  ne  les  craignez  donc  point.  10.  Et  toute  l'assemblee  parloit  de  les  lapider  de  pierres:  mais  la  gloire  de  l'Eternel  apparut  a  tous  les  enfans  d'Israel  au  tabernacle  de  convenance,  ll.  Lors  l'Eternel  dit  a  Moyse,  Iusques  a  quand  me  mesprisera  ce  peuple?  et  iusques  a  quand  ne  croira-il  en  moy  pour  tous  les  signes  que  i'ay  faits  au  milieu  de  luy?  12.  Ie  le  fraperay  de  peste,  et  le  destruiray  :  *)  mais  ie  te  *)  dechasseray  O.