51:222  est,  vel,  quia  timemus  Christum,  ideo  subiecti  simus  proximis:  vel,  quia  eiusmodi  timore  piorum  omnium  mentes  sub  Christi  regno  imbutas  esse  convenit.  Alii  codices  legunt  timorem  Dei.  Forte  ita  mutavit  quispiam,  cui  prior  loquutio,  quae  tamen  op~  time  convenit,  durior  visa  fuerat.  22.  Mulieres.  Nunc  ad  gradus  descendit:  quia  praeter  illud  universale  subiectionis  vinculum,  alii  aliis  arctius  sunt  devincti  :  ut  est  uniuscuiusque  vocatio.  Porro  oeconomia  tribus  quasi  iugis  constat,  in  quibus  mutua  est  partium  obligatio.  Iugum  primum  est  coniugii  inter  virum  et  uxorem.  Secundum  iugum  conficiunt  parentes  et  liberi.  Tertium  dominos  et  servos  continet.  Ita  in  oeconomia  sunt  diversae  sex  personae,  quarum  singulis  hic  praecipiet  Paulus  quale  sit  suum  officium.  A  mulieribus  incipit,  quas  maritis  subiectas  esse  iubet,  non  secus  ac  Christo.  Non  quia  sit  aequalis  autoritas,  sed  quia  mulieres  oboedire  Christo  nequeant,  nisi  se  obsequentes  viris  praebendo.  Sequitur  ratio:  quia  idem  ordo  constitutus  est  a  Christo  inter  virum  et  uxorem,  quem  ipse  tenet  cum  sua  ecclesia.  Porro  haec  comparatio  magis  afficere  debuit,  quam  si  de  nuda  Dei  ordinatione  loquutus  foret.  Nam  duo  posuit:  quod  Deus  virum  praefecerit  uxori:  et  quod  huius  praefecturae  imago  in  Christo  exstet,  qui  caput  est  ecclesiae,  sicuti  vir  uxoris.  23.  Qui  idem  est  servator.  Quidam  relativum  Christi  esse  putant,  alii  autem  mariti.  Magis  Christo  congruit,  meo  quidem  iudicio:  sed  ita  ut  ad  praesentem  causam  accommodet.  Nam  debet  constare  etiam  in  hac  parte  similitudo,  sicuti  Christus  ecclesiae  suae  praeest  in  eius  salutem,  ita  nihil  esse  mulieri  utilius  nec  magis  salubre,  quam  ut  marito  subsit.  Perire  igitur  affectant  quae  renuunt  subiectionem,  sub  qua  salvae  esse  poterant.  Tametsi  propter  adversativam  particulam,  quae  sequitur,  posset  ita  exponi  per  occupationem  :  habet  quidem  id  peculiare  Christus,  quod  est  servator  ecclesiae.  Nihilominus  sciant  mulieres,  sibi  maritos  praeesse,  Christi  exemplo,  utcunque  pari  gratia  non  polleant.  Alia  tamen  expositio  verior  est.  Nec  adeo  me  movet  coniunctio  adversativa  aXXa,  qua  utitur  Paulus  pro  caeterum.  25.  Viri,  diligite  vestras  uxores.  A  maritis  vicissim  requiritur  dilectio.  Sed  eam  non  debere  esse  vulgarem  significat,  quum  illis  quoque  proponit  exemplum  Christi.  Nam  si  in  gradu  honoris  illius  gerunt  imaginem,  et  quasi  personam  sustinent:  etiam  in  officio  ipsum  referre  debent.  Et  se  ipsum  tradidit.  Hoc  quidem  ad  exprimendam  amoris  vehementiam,  quem  viri  debent  uxoribus,  valet.  Sed  mox  sumpta  occasione  delabitur  ad  commendandam  Christi  gratiam.  Imitentur  ergo  viri  Christum  in  eo  quod  pro  ecclesia  mori  non  dubitavit.  Quod  autem  morte  sua  redemit  eccle-