50:222  inde  conficitur,  fide  nos  liberari,  quando  per  ipsam  in  adoptionem  pervenimus.  27.  Quicunque  laptizati  estis.  Quo  res  maior  est  ac  sublimior,  nos  esse  filios  Dei,  eo  magis  remota  est  a  sensu  nostro  difficiliusque  persuadetur.  Itaque  breviter  admonet  qualis  nobis  sit  coniunctio,  vel  potius  unitas  cum  filio  Dei:  ne  dubitemus,  id  quod  habet  proprium  nobis  communicari.  Utitur  similitudine  vestis,  quum  dicit,  Galatas  Christum  induisse.  Sed  intelligit,  Christo  sic  esse  insitos,  ut  coram  Deo  nomen  ac  personam  Christi  gerant,  ac  in  ipso  magia  quam  in  se  ipsis  censeantur.  Trita  est  ista  vel  metaphora,  vel  similitudo  sumpta  a  vestibus:  et  de  ea  alibi  dictum  est.  Caeterum  videtur  infirma  ratio,  Christum  induisse,  quia  sint  baptizati.  Quantum  enim  abest  quin  baptismus  sit  in  omnibus  efficax?  Est  etiam  hoc  absurdum,  quod  ita  alligaretur  signo  externo  gratia  spiritus  sancti.  Ergo  tam  perpetua  scripturae  doctrina,  quam  experientia  redargui  posse  videtur  hoc  dictum.  Respondeo,  Paulum  de  sacramentis  bifariam  solere  loqui.  Dum  negotium  est  cum  hypocritis,  qui  nudis  signis  superbiunt,  tum  concionatur  quam  inanis  ac  nihili  res  sit  externum  signum  :  et  in  praeposteram  fiduciam  fortiter  invehitur.  Quare?  non  respicit  Dei  institutionem  sed  impiorum  corruptelam.  Quum  autem  fideles  alloquitur,  qui  rite  utuntur  signis,  illa  tunc  coniungit  cum  sua  veritate,  quam  figurant.  Quare?  neque  enim  fallacem  pompam  ostentat  in  sacramentis,  sed  quae  externa  caeremonia  figurat,  exhibet  simul  re  ipsa.  Hinc  fit  ut  veritas  secundum  Dei  institutum  coniuncta  sit  cum  signis.  Si  quis  hic  quaerat,  ergone  fieri  potest  hominum  vitio,  ut  sacramentum  non  sit  quod  figurat?  Responsio  est  facilis:  nihil  sacramentis  derogari  per  impios  quin  suam  naturam  et  virtutem  retineant:  quamvis  ipsi  nullum  sentiant  effectum.  Sacramenta  enim  bonis  perinde  ac  malis  Dei  gratiam  offerunt,  nec  fallaciter  promittunt  spiritus  sancti  gratiam:  fideles  quod  oblatum  est,  recipiunt.  Impii,  respuendo,  faciunt  quidem  ut  sibi  nihil  prosit  quod  erat  oblatum:  quin  Deus  sit  fidelis,  et  verax  sacramenti  significatio,  facere  nequeunt.  Proinde  non  immerito  Paulus,  dum  fideles  alloquitur,  illos  in  baptismo  Christum  induisse  dicit.  Quemadmodum  ad  Romanos  cap.  6,  5  dicit  nos  insitos  esse  in  eius  mortem,  ut  resurrectionis  etiam  simus  consortes.  Hoc  modo  neque  ad  signum  transfertur  quod  proprium  Dei  est:  et  tamen  sacramentis  vis  sua  constat,  ne  pro  inanibus  et  frigidis  spectaculis  habeantur.  Et  admonemur  quam  scelerata  sit  hominum  ingratitudo  dum  salutaria  Dei  instituta  suo  abusu  non  tantum  inutilia  sibi  reddunt,  sed  etiam  convertunt  in  suam  perniciem.  28.  Non  est  Iudaeus.  Sensus  est,  nihil  hic  valere  personas:  ideoque  nihil  interesse  cuius  quis-