47:222  stuporem,  quae  inanem  tantum  signorum  umbram  abolita  substantia  retinebat.  Caeterum  mirifica  Christi  bonitas  in  eo  refulget,  quod  ultro  ad  caecum  medicus  accedit  nec  eius  preces  in  ope  ferenda  exspectat.  Et  sane  quum  natura  ab  eo  aversi  simus,  nisi  occurrat  priusquam  vocetur,  suaque  misericordia  in  lucis  et  vitae  oblivione  demersos  praeveniat,  actum  de  nobis  est.  8.  Vicini  itaque  et  qui  viderunt.  Non  vicinis  tantum  notus  erat  caecus,  sed  passim  etiam  totius  urbis  incolis,  quod  mendicus  sedere  ad  portam  templi  solebat:  tales  autem  vulgi  oculos  magis  in  se  convertunt.  Haec  notitia  hominis  ad  plures  miraculi  famam  vulgavit.  Caeterum,  ut  ingeniosa  est  impietas  in  obscurandis  Dei  operibus,  multi  putarunt  non  eundem  esse  hominem,  quia  in  eo  nova  Dei  virtus  conspicua  erat:  ita  quo  splendidior  est  operum  Dei  maiestas,  minus  fidei  apud  homines  inveniunt.  Sed  illorum  dubitatio  ad  comprobandum  miraculum  valuit,  quia  hinc  factum  est  ut  suo  praeconio  caecus  Christi  gratiam  magis  celebraret.  Proinde  omnes  istas  circumstantias  non  frustra  colligit  evangelista,  ex  quibus  miraculi  veritas  clarius  enituit.  l  l  .  Postquam  vero  abii,  et  lavi.  Tam  felix  obedientiae  successus  nos  admonet,  ut  superatis  omnibus  obstaculis  strenue  pergamus  quocunque  Dominus  vocat,  nec  vero  dubitemus  prospere  cessurum  quidquid  eius  ductu  et  auspiciis  fuerimus  aggressi.  13.  Adducunt  eum,  qui  aliquando  caecus  fuerat,  ad  Pharisaeos.  14.  Erat  autem  sabbatum,  quum  lutum  fecerat  Iesus  et  aperuerat  eius  oculos.  15.  Rursum  ergo  interrogarunt  eum  etiam  Pharisaei,  quomodo  visum  recepisset.  Ipse  autem  dixit  eis:  Lutum  imposuit  super  oculos  meos  et  lavi  et  video.  16.  Dixerunt  ergo  ex  Pharisaeis  quidam:  Hic  homo  non  est  a  Deo,  quia  sabbatum  non  servat.  Alii  dicebant:  Quomodo  potest  homo  peccator  haec  signa  facere?  et  dissidium  erat  inter  ipsos.  17.  Dicunt  ei  qui  caecus  aliquando  fuerat:  Tu  quid  dicis  de  eo,  quod  aperuit  oculos  tuos?  Ille  vero  dixit:  Propheta  est.  13.  Adducunt  eum  qui  ete.  Narratio  quae  iam  sequetur  ostendit,  adeo  non  proficere  impios  in  Dei  operibus,  ut  quo  magis  urgentur  eorum  potentia  virus  intus  conceptum  egerant.  Mollire  certe  vel  lapideas  mentes  debuerat  visus  caeco  redditus,  saltem  Pharisaei  rei  novitate  et  magnitudine  perculsi  tantisper  debebant  haesitare,  dum  inquirerent  an  divinum  esset  opus.  Sed  eo  vecordiae  illos  praecipites  impellit  Christi  odium,  ut  quod  audiunt  ab  ipso  factum  esse  protinus  damnent.  Pharisaeos  evangelista  nominat,  non  quod  aliae  sectae  Christo  propitiae  essent,  sed  quia  haec  ad  tuendum  praesentem  statum  reliquis  erat  auimosior.  Semper  hypocrisis  crudelia  est  et  superba.  Quum  ergo  falsa