1:222  [CO  1.  222]  illis,  vos  autem  non  sic;  sed  qui  maior  est  in  vobis,  fiat  sicut  iunior,  et  qui  princeps  est,  sicut  qui  ministrat  (Matth.  20.  Marc.  10.  Luc.  22).  Quibus  sane  longissimo  intervallo  eorum  ministerium  ab  omni  mundi  huius  gloria  et  sublimitate  divisit.  Alterum,  vellem  tam  experimento  probarent,  quam  dictitare  facile  est.  Atqui  cum  apostolis  visum  non  fuerit,  derelicto  Dei  sermone,  ministrare  mensis  (Act.  6):  ex  eo,  quia  doceri  nolunt,  convincuntur,  non  eiusdem  esse,  et  bonum  episcopum  praestare  et  bonum  principem.  Nam  si  illi,  qui  pro  gratiarum,  quibus  a  Domino  praediti  erant,  amplitudine  pluribus  multo  et  gravioribus  curis  sufficere  poterant,  quam  ulli  post  eos  nati  homines,  confessi  sunt  tamen:  se  verbi  et  mensarum  ministerio  incumbere  simul  non  posse,  quin  oneri  succumberent;  quomodo  isti  prae  apostolis  nihili  homunciones,  possent  eorum  industriam  centuplo  superare?  Id  quidem  tentare,  impudentissimae, [p. 457]  nimiumque  audacis  confidentiae  fuit.  Sed  tamen  factum  est:  quo  successu,  palam  est.  Neque  [OS  252]  enim  evenire  aliter  poterat,  quam  ut  deserta  sua  statione,  in  aliena  castra  commigrarent.  Habuit  pietatis  studium  quoddam  principum  indulgentia,  qui  tantum  facultatum  ditandis  episcopis  impenderunt;  sed  non  optime,  hac  praepostera  sua  largitate,  consuluerunt  ecclesiae  commodis,  cuius  antiquam  veramque  disciplinam  sic  corruperunt,  et,  ut  vere  dicam,  penitus  aboleverunt.  Qui  vero  tali  principum  bonitate  in  suum  commodum  abusi  sunt  episcopi,  hoc  uno  specimine  edite  satis  superque  testati  sunt,  se  minime  esse  episcopos.  Denique,  ut  de  utraque  iuxta  potestate  semel  dicam,  cum  pro  retinendis  illis  tam  animose  hodie  contendunt,  quid  quaerant,  nihil  obscurum  est.  Spirituale  regnum  si  ea  conditione  resignent,  ut  totum  Christo  cedat;  nullum  gloriae  Dei,  nullum  sanae  doctrinae,  nullum  ecclesiasticae  salutis  periculum  vertitur.  Hac  etiam  saeculari  si  se  abdicent,  nihil  periculi  est,  ne  quid  publico  ecclesiae  bono  decedat.  Sed  una  damnandi  cupiditate  caeci  ac  praecipites  feruntur,  quia  nihil  salvum  esse  putant,  nisi  cum  austeritate,  ut  propheta  ait  (Ez.  34),  et  cum  potentia  imperent.  At  de  ecclesiae  patrimonio  pauca  haec [p. 458]  in  transcursu  dicta  sint.  Ad  spirituale  regnum,  cuius  hic  locus  proprius  est,  revertor.  In  quo  defendendo,  ubi  omnia  rationis  praesidia  labascere  sibi  vident,  ad  extremum  illud  miserumque  suffugium  concedunt.  Etiamsi  mente  et  consilio  stupidi  ipsi  sint,  animo  vero  et  voluntate  nequissimi,  manere  tamen  verbum  Domini,  quod  praepositis  obedire  iubet  etiamsi  iniquas  et  nimium  duras  leges  ferant.  Dominum  tamen  praecipere,  ut  faciamus  quaecunque  dicunt  scribae  et  Pharisaei  (Matth.  23),  etiam  dum  onera  importabilia  alligant,  quae  digito  nolint  tangere.  Itane  vero?  At  si