7:221  221  DES  LIBERTINS.  222  temps,  la  resurrection  estre  faicte:  disant,  que  c'est  une  heresie  meschante  et  pour  renverser  la  foy.  Neantmoins  ces  chiens  ne  laissent  point,  contre  une  sentence  tant  claire,  de  maintenir  cest  erreur  tant  execrable.  Car  ilz  se  mocquent  de  toute  l'esperance  que  nous  avons  de  ressusciter,  disant  que  ce  [page  177]  que  nous  attendons  est  desia  advenu,  toi  on  leur  demande  comment  :  c'est  que  l'homme  sache  que  son  ame  n'est  que  l'esprit  immortel,  qui  est  tousiours  vivant  au  ciel:  et  que  Iesus  Christ  par  sa  mort  a  aboly  le  cuider,  et  par  ce  moyen  nous  a  restitue  la  vie,  qui  est  de  congnoistre  que  nous  ne  mourons  pas.  Voila  comme  ces  meschans,  avec  leurs  predecesseurs  Hymenee  et  Philete,  renversent  le  principal  fondement  de  nostre  foy:  sans  lequel,  l'Evangile,  comme  dict  sainct  Paul  (1  Cor.  15,  14),  ne  peut  nullement  consister.  Car  ostee  la  resurrection,  que  nous  demeure  il  plus?  Or  c'est  bien  l'oster,  d'en  faire  un  telle  imagination,  en  destruisant  la  verite  d'icelle.  Il  est  bien  vray  que  quiconque  croit  ne  mourra  iamais:  mais  est  passe  de  mort  a  vie  (Iehan  l  l  ,  26  et  5,  24):  qu'il  n'y  a  plus  de  condamnation  sur  eux,  et  que  la  mort  n'y  a  plus  de  domination:  entant  que  l'Esprit  qui  a  ressuscite  Christ  reside  en  eux,  et  leur  est  une  semence  immortelle.  Mais  par  cela  il  ne  s'ensuit  pas,  que  la  beatitude  que  nous  attendons  soit  desia  revelee,  1)  [page  178]  que  nous  en  ayons  la  iouyssance,  et  que  nous  soyons  entrez  en  possession  actuelle  de  nostre  heritaige.  Mais  il  est  expedient  de  noter  les  passages2)  de  l'escriture,  dont  ilz  esblouyssent  les  yeux  des  simples,  pour  leur  faire  a  croire  qu'ilz  sont  ressuscitez.  Salomon  parlant  en  son  Ecclesiaste  de  la  mort,  dict  que  l'esprit  de  l'homme  s'en  retourne  alors  a  Dieu  qui  Ta  cree,  comme  le  corps  retourne  en  la  terre  dont  il  a  son  origine  (Eccl.  12,  7).  Par  cela  ilz  concluent  que  l'esprit  est  reioinct  a  l'essence  de  Dieu:  tellement  qu'il  n'y  demeure  qu'un  esprit  seul.  Mais  a  qui  est-ce  qu'ilz  persuaderent  la  signification  des  motz  estre  telle,  que  l'ame  humaine  retournant  a  Dieu,  devienne  Dieu?  Nostre  Seigneur  Iesus  en  mourant  disoit  bien:  Pere  ie  recommande  mon  esprit  en  tes  mains  (Luc  23,  46).  Sainct  Estienne  aussi  faisoit  bien  une  semblable  priere:  Seigneur  Iesus,  recois  mon  esprit  (Act.  7,  59).  Mais  tant  s'en  faut  que  nul  de  ces  passages  favorise  a  leur  erreur,  qu'ilz  suffisent  pour  les  conveincre  a  pur  et  a  [page  170]  plain.  Car  ilz  demonstrent  expressement  que  Dieu  recoit  noz  ames  en  sa  garde,  et  les  conserve  iusque  au  temps  qu'elles  soyent  reioinctes  a  leurs  corps.  Si  on  demande  en  quelle  condition  et  estat  il  les  1)  in  nobis  revelatam.  2)  le  passage  1547  suiv.