55:221  221  CAPUT  I.  222  si  gratiam  nobis  ita  benigne  expositam  negligimus?  Haec  igitur  amplificatio  ad  spem  nostram  acuendam  plurimum  valet.  Quod  addit  in  revelatione  C  h  r  i  s  t  i  ,  bifariam  exponi  potest.  Nam  evangelii  doctrina  Christum  nobis  revelat:  et  tamen  quia  adhuc  eum  per  speculum  et  in  aenigmate  videmus,  differtur  plena  revelatio  usque  in  ultimum  diem.  Prior  sensus  magis  Erasmo  placuit,  neque  ego  illum  improbo:  secundus  tamen  videtur  melius  quadrare.  Consilium  enim  Petri  est,  evocare  nos  extra  mundum:  ad  eam  rem  aptissima  est  adventus  Christi  memoria.  Nam  si  illuc  dirigimus  oculos,  mundus  hic  nobis  crucifixus  est,  et  nos  mundo.  Deinde  in  hac  significatione  nuper  accepit  Petrus.  Neque  novum  est  apostolis  particulam  ev  pro  sic  accipere.  Sic  itaque  interpretor,  Non  est  vobis  emetiendum  longum  iter,  ut  perveniatis  ad  Dei  gratiam:  praevenit  enim  Deus,  dum  eam  ad  vos  defert.  Sed  quoniam  fruitio  non  constat,  donec  appareat  e  coelo  Christus,  in  quo  abscondita  est  salus  piorum,  spe  interea  opus  est:  quoniam  frustra  alioqui  nunc  offertur  nobis  Christi  gratia,  nisi  patienter  usque  ad  Christi  adventum  sustineamus.  14.  Tanquam  filii  obedientes.  Primum  significat  nos  in  eius  honoremque  adoptionis  vocari  a  Domino  per  evangelium.  Deinde  hac  lege  nos  adoptari,  ut  nos  vicissim  obsequentes  sibi  filios  habeat.  Tametsi  enim  filios  non  facit  obedientia,  quum  gratuitum  sit  adoptionis  donum:  eos  tamen  ab  alienis  discernit.  Quousque  vero  haec  obedientia  se  extendat  Petrus  docet,  quum  vetat  Dei  filios  huius  saeculi  desideriis  configurari,  vel  se  accommodare:  sed  hortatur  ut  se  potius  Deo  conforment.  Summa  totius  legis  et  omnium,  quae  a  nobis  exigit  Deus,  huc  spectat,  ut  in  nobis  reluceat  eius  imago,  ne  simus  filii  degeneres.  Hoc  vero  fieri  non  potest  quin  renovemur,  et  exuamus  imaginem  veteris  Adae.  Hinc  colligimus  quem  in  tota  vita  scopum  proponere  sibi  Christiani  debeant:  nempe  ut  sanctimonia  et  puritate  Deum  referant.  Sed  quoniam  omnes  carnis  nostrae  sensus  Deo  repugnant,  totumque  mentis  nostrae  ingenium  adversus  eum  inimicitia  est:  ideo  Petrus  a  mundi  abnegatione  incipit.  Et  certe  quoties  de  instauratione  imaginis  Dei  in  nobis  agit  scriptura,  inde  orditur,  ut  aboleatur  vetus  homo  cum  suis  desideriis.  Quae  in  ignorantia.  Tempus  ignorantiae  vocat  antequam  in  fidem  Christi  vocati  essent.  Unde  discimus  incredulitatem  malorum  omnium  fontem  esse.  Neque  enim  ignorantiae  nomen  usurpat  ut  solemus  vulgo.  Falsum  enim  illud  est  platonicum  dogma,  sola  ignorantia  peccari.  Verum  utcunque  redarguat  infideles  conscientia,  errant  nihilominus  tanquam  caeci  in  tenebris:  quia  neque  viam  tenent,  et  luce  vera  privati  sunt.  In  hunc  sensum  dicit  Paulus  (Eph.  4,  17),  Ne  posthac  ambuletis,  quem-