50:221  221  CAPUT  III.  222  remedium  suspiret?  Et  sane  nan  tantum  ad  terrendas  et  humiliandas  conscientias  valebant  caeremoniae,  sed  etiam  erigendas  in  fidem  venturi  redemptoris.  In  tota  caeremoniarum  pompa  quidquid  oculis  ingerebatur,  id  quasi  notam  Christi  impressam  habebat.  Denique  nihil  aliud  erat  tota  lex,  quam  multiplex  exercitii  genus,  quo  cultores  manu  ducebantur  ad  Christum.  Ut  ex  fide.  Iam  ademit  legi  perfectionem,  quum  paedagogiae  similem  esse  dixit.  Perficeret  autem  nomines,  si  iustitiam  illis  conferret.  Quid  restat,  nisi  ut  subeat  fides  in  eius  vicem?  subit  autem,  dum  propriae  iustitiae  inopes  Christi  iustitia  nos  induit.  Ita  impletur  illud:  Esurientes  satiari  bonis.  25.  Adveniente  autem  fide.  Quid  sit  adventus  fidei,  iam  dictum  est:  nempe  clarior  gratiae  revelatio,  postquam  velum  templi  scissum  est.  Quod  factum  esse  scimus  Christi  exhibitione.  Itaque  sub  regno  Christi  negat  amplius  esse  pueritiam,  quae  a  paedagogo  regenda  sit:  ideoque  legem  officio  suo  esse  defunctam:  quae  est  altera  applicatio  similitudinis.  Nam  haec  duo  probanda  susceperat:  legem  esse  praeparationem  ad  Christum,  et  esse  temporalem.  Sed  hic  rursum  quaeritur  an  lex  ita  sit  abrogata,  ut  nihil  ad  nos  pertineat.  Respondeo,  legem,  quatenus  regula  est  bene  vivendi,  et  fraenum  quo  in  timore  Domini  retinemur,  et  stimulus  ad  corrigendam  pigritiam  carnis  nostrae:  denique  quatenus  utilis  est  ad  docendum,  corrigendum,  redarguendum,  ut  instituantur  fideles  ad  omne  bonum  opus,  hodie  non  minus  valere  quam  olim,  munereque  intactam.  Quomodo  igitur  est  abrogata?  Iam  diximus  Paulum  considerare  legem  suis  qualitatibus  vestitam.  Sunt  autem  istae  qualitates,  quod  mercedem  statuit  operibus  et  poenam:  hoc  est,  suis  cultoribus  vitam  promittit,  maledicit  omnes  transgressores:  interea  exigit  summam  perfectionem  ab  homine  et  exquisitam  obedientiam  :  nihil  remittit,  nihil  condonat,  sed  vocat  ad  calculum  minima  quaeque  errata:  Christum  et  eius  gratiam  non  palam  ostendit,  sed  procul  indicat,  idque  sub  caeremoniis,  quasi  tegumentis,  inclusum.  Eiusmodi,  inquam,  qualitates  abolitas  esse  docet  Paulus,  ut  iam  desierit  Mosis  ministerium,  quatenus  differt  externa  specie  a  foedere  gratuito.  26.  Nam  omnes  filii  Dei  J  estis.  Probat  alia  ratione  iniquum  esse  ac  minime  consentaneum,  ut  lex  perpertua  servitute  astringat  fideles:  quia  scilicet  sunt  filii  Dei.  Alioqui  enim  non  sufficeret  illud  quod  dixit,  nos  egressos  esse  ex  pueritia,  nisi  adderetur,  nos  conditione  esse  liberos:  nam  in  servis  aetas  nihil  mutat.  Libertatem  inde  probat,  quod  sint  filii  Dei.  Quomodo?  per  fidem  in  Christum:  nam  quicunque  in  eum  credunt,  datur  illis  haec  praerogativa,  ut  sint  filii  Dei.  Simul  etiam