47:221  221  CAPUT  IX.  222  persuasus  est.  Minime  dubium  est  quin  ludibrii  sui  suspicio  ao  metus  caeco  in  mentem  venerit:  sed  per  omnia  impedimenta  perrumpere  illi  facile  fuit,  quum  statueret  tutum  esse  Christum  sequi.  Si  quis  obiiciat,  non  agnitum  fuisse  Christum  a  caeco  qualis  erat,  ut  potuerit  tanquam  Dei  filio  iustum  illi  honorem  habere:  fateor  id  quidem,  sed  quia  a  Deo  missum  esse  credebat,  illi  so  subiiciens  et  eum  veracem  esse  non  dubitans  nihil  in  ip*o  nisi  divinum  intuetur:  imo  quod  in  tam  exigua  notitia  totum  se  Christo  addixit,  eo  pius  laudis  meretur  eius  fides.  7.  Lava  in  piscina  Siloae.  Neque  in  luto,  neque  in  aqua  Siloae  quidquam  ad  sanandos  oculos  fuisse  virtutis  certum  est:  sed  Christus  libere  externis  istis  symbolis  sua  miracula  non  semel  ornavit,  sive  ut  fideles  assuefaceret  ad  signorum  usum,  sive  ut  ostenderet  suo  arbitrio  subesse  omnia,  sive  ut  testatum  faceret  tantum  esse  potentiae  in  singulis  creaturis,  quantum  ipse  dare  velit.  Quaerunt  tamen  nonnulli  quid  lutum  ex  pulvere  et  sputo  compositum  significet,  et  hanc  fuisse  Christi  figuram  interpretantur  :  quia  pulvis  terrenam  carnis  naturam,  sputum  autem  ex  ore  profectum  divinam  verbi  essentiam  notet.  Ego  autem  allegoriam  istam,  quia  plus  argutiae  quam  soliditatis  habet,  omitto  hac  simplicitate  contentus,  quod  sicuti  primum  ex  luto  homo  conditus  est,  ita  in  refingendis  oculis  lutum  adhibuerit  Christus,  iu  corporis  parte  eandem  potentiam  demonstrans,  quam  pater  in  toto  homine  fingendo  exseruit.  Vel  forte  hoc  signo  testatum  voluit,  sibi  non  esse  difficilius  discusso  impedimento  aperire  caeci  oculos  quam  hominum  cuivis  lutum  abstergere.  Rursum  suae  esse  potestatis  tenere  hominis  visum,  perinde  ac  si  quis  oculos  luto  illinat,  quod  posterius  mihi  magis  arridet.  Lavare  in  piscina  Siloae,  ideo  forte  iussit  ut  Iudaeis  exprobraret,  nonnisi  per  eos  stare  quominus  sentirent  praesentem  Dei  virtutem:  quemadmodum  suae  aetatis  homines  Iesaias  (8,  6)  obiurgat,  quod  contemptis  aquis  Siloae  tacite  fluentibus  rapidos  et  violentos  fluvios  appetant.  Eadem  quoque  fuisse  ratio  mihi  videtur,  cur  Elisaeus  Naaman  Syrum  in  Iordane  lavare  iusserit.  Piscinam  hanc,  si  Hieronymo  credimus,  efficiebant  aquae  certis  horis  ex  monte  Sion  ebullientes.  Interpretatio  vocis  Siloa  consulto  ab  evangelista  additur:  quia  fons  ille  templo  vicinus  quotidie  Iudaeos  venturi  Christi  admonebat,  quem  tamen  coram  sibi  oblatum  adspernati  sunt.  Gratiam  ergo  Christi  evangelista  nobis  commendat,  quod  ipse  unus  tenebras  nostras  illuminet  visumque  caecis  restituat.  Nam  in  unius  hominis  persona  naturae  nostrae  conditio  depingitur,  quod  scilicet  luce  et  intelligentia  omnes  ab  utero  privati  simus:  deinde  quod  mali  huius  remedium  a  solo  Christo  petendum  sit.  Observa  autem  quod  quum  praesens  illic  esset  Christus,  negligi  tamen  symbola  noluit  ad  coarguendum  gentis