29:221  221  SUR  LE  DEUTER.  CHAP.  XXXIV.  222  faut  aussi  venir  a  la  mesure.  Car  on  pourroit  pleurer  pour  iuste  raison,  mais  si  nous  laschons  par  trop  la  bride  a  nostre  dueil,  encores  y  aura-il  de  la  faute  et  du  vice.  Comme  quoy?  Si  nous  pleurons  pour  nos  pechez  sans  nous  consoler,  nous  serons  comme  engloutis  de  tristesse:  et  voila  pourquoy  il  y  a  souvent  des  murmures  et  despittemens  a  l'encontre  de  Dieu.  Or  sainct  Paul  nous  remonstre,  quand  nous  pleurons  ainsi  sur  le  trespas  de  nos  amis  et  de  nos  parens,  ou  de  ceux  qui  servent  a  l'Eglise  de  Dieu:  qu'il  ne  faut  pas  que  nous  ressemblions  aux  incredules,  lesquels  (dit-il)  n'ont  nulle  esperance,  et  par  ce  moyen  ne  se  peuvent  consoler.  Sainct  Paul  en  ce  passage-la  ne  dit  pas  que  ce  soit  peche  de  pleurer,  il  ne  condamne  point  la  chose  du  tout:  mais  il  nous  monstre  que  nos  pleurs  doyvent  estre  moderez,  d'autant  que  Dieu  nous  donne  consolation,  quand  il  nous  appelle  a  l'esperance  de  la  vie  ^celeste,  la  ou  nous  serons  renouvellez.  Ainsi  donc  que  nous  cognoissions  que  Dieu  nous  humilie  par  la  mort,  et  qu'il  nous  faut  aller  en  pourriture  comme  des  charongnes  puantes,  et  qu'il  semble  mesmes  que  les  ames  s'esvanouissent,  et  que  tout  soit  perdu  :  combien  (di-ie)  qu'ayant  cest  esgard-la  il  nous  faut  pleurer  pour  nos  pechez,  toutesfois  nous  devons  tousiours  revenir  la,  que  Dieu  par  sa  bonte  infinie  encores  a  pitie  de  nous,  et  qu'il  ne  veut  point  que  nous  perissions  en  la  mort,  mais  qu'elle  nous  soit  comme  un  passage  a  la  vie  eternelle:  et  ceste  esperance-la  est  bien  pour  nous  resiouir  au  milieu  de  nos  tristesses  :  pour  le  moins  cela  nous  doit  estre  une  bride  pour  reprimer  nos  pleurs,  qu'ils  ne  se  iettent  point  hors  des  gonds,  et  qu'il  ne  nous  advienne  point  de  nous  despitter  contre  Dieu:  ainsi  que  nous  voyons  que  les  incredules  se  tempestent,  qu'ils  hurlent,  qu'ils  crient,  et  n'y  a  nul  moyen  de  les  retenir.  Et  pourquoy?  Car  il  n'y  a  nulle  consolation,  qui  est  la  mere  de  patience.  Mais  quand  Dieu  nous  rappelle  a  ceste  esperance  qu'il  nous  donne,  voila  comme  apres  avoir  pleure  et  gemi,  nous  avons  dequoy  luy  rendre  graces,  benir  son  sainct  Nom,  et  nous  contenter  de  ce  qu'il  n'use  point  de  rigueur  extreme  contre  nous.  Et  ainsi,  quand  nous  pleurerons,  voyant  que  nostre  Seigneur  nous  aura  oste  ceux  qui  nous  pouvoyent  servir  de  beaucoup,  si  ne  fautil  point  pour  tant  tomber  en  desespoir,  comme  si  Dieu  n'avoit  nul  moyen  de  nous  secourir.  Car  il  en  pourra  mesmes  susciter  des  pierres,  quand  bon  luy  semblera.  Il  faut  donc  recourir  a  luy,  quand  nous  aurons  cogneu  quelque  signe  de  son  ire:  apres  avoir  confesse  nos  fautes,  et  luy  en  avoir  demande  pardon,  si  faut-ii  que  nous  attendions  qu'il  nous  sera  propice,  et  qu'en  trouvant  merci  en  luy,  nous  trouverons  aussi  remede  a  toutes  nos  douleurs.  Voila  la  mesure  dont  il  parle,  qu'apres  avoir  pleure  pour