9:220  travit  per  fores  clausas  :  vere  tamen  clausis  et  bene  obseratis  foribus  egressus  est.  Miraculum  praeter  naturae  ordinem  editum  fatebimur:  duobus  autem  in  locis  simul  fuisse  non  minus  negabimus,  quam  fuibse  bicorporem.  Haec  ratio  nos  expedit,  ne  arguamus  Christum  mendacii  quod  nos  facere,  [pag.  23  3]  qua  solent  impudentia,  iactant  Magdeburgenses.  Fidem  enim  nostram,  qua  verbis  Christi  acquiescimus,  scimus  in  coelo  sacrificium  boni  odoris  esse.  Ipsi  dum  Lutheri  hyperbolas  proiiciunt,  modo  plebeculam  suosque  fraterculos  fascinent,  huius  popularis  theatri  plausu  contenti,  nec  Dei  nec  angelorum  iudicium  magnopere  curant.  Haec  ratio  est  cur  antea  dixerim  Luthero  multas  esse  simias,  paucos  imitatores.  Nam  quasi  cothurnis  in  sublime  elati,  quomodo  possibile  sit,  inquiunt,  ut  definitum  adsit  corpus  ubicunque  peragitur  coena,  ipse  viderit:  nos  habemus  certum  mandatum,  ut  pendeamus  ab  eius  ore.  Ipse  vero  Christus  satis  vidit  :  ut  frustra  ignorantiae  suae  culpam  in  eum  regerant,  qui  sponte  caecutiunt.  Quod  iterum  obtendunt  unam  Christi  personam  Deum  et  hominem  esse,  quam  ineptum  sit,  alibi  ostendimus.  Ubi  omnia  dixerint,  haec  veteris  ecclesiae  consensu  approbata  doctrina  [pag.  234]  stabit,  Christum  mediatorem  ubique  esse,  et  quatenus  una  est  eius  persona,  Deum  et  hominem,  vel  Deum  in  carne  manifestatum  implere  omnia,  quamvis  secundum  carnem  in  coelo  sit.  Hac  in  re  cur  Christum  regem  summum  ac  pontificem  contumelia  affici  dicant,  quia  eius  corpus  in  phantasticam  immensitatem  non  extendimus,  iudicium  esto  penes  summos  et  infimos.  Supremum  illis  oraculum  est,  Lutheri  responsio,  unum  corpus  secundum  humanam  rationem  non  esse  in  diversis  locis,  posse  tamen  secundum  Dei  potentiam:  quia  quidquid  loquitur  Deus  praestare  potest,  et  nihil  apud  Deum  est  impossibile.  Ac  si  quis  mundum  ab  aeterno  creatum  probare  vellet,  quia  aeterna  fuit  Dei  potentia,  vel  eundem  solem  simul  posse  lucidum  esse  et  obscurum:  quia  Deus  potest  omnia.  Vicesimo  octavo  loco  argumentum  suo  arbitrio  conficiunt,  quod  suo  arbitrio  evertant,  [pag.  235]  Et  videntur  nescio  quid*  data  opera  captasse,  ut  se  venditarent  de  sorite  negativo.  Sic  ipsi  recitant:  Tantum  ea  potest  Deus  quae  vult  :  vult  autem  tantum  ea  quae  naturae  suae  conveniunt:  conveniens  non  est  corpori  Christi,  ut  sit  in  coena  simul  et  in  coelo:  ergo  Christus  non  potest  efficere,  ut  corpus  suum  in  coena  corporaliter  percipiatur.  Sic  quidem,  ut  video,  inter  se  garriunt.  Nostra  autem  ratiocinatio  alia  est:  Quia  Deus  quaecunque  vult  facit,  non  separanda  est  eius  potentia  a  voluntate:  ergo  stulto,  importune  et  praepostere  disputatur  quid  possit,  nisi  accedat  eius  voluntas.  Iam  quum  nusquam  ostenderit  verum  et  naturale  corpus  filii  sui  se  velle  facere  immensum,  praeposteri  sunt  ac  perversi