8:220  nos  dilexit  Deus,  quo  tempore  eius  inimici  eramus,  nihil  praeter  irae  materiam  in  nobis  cernens?  Respondit  Hieronymus:1)  Deum  nobis  fidem  dedisse  quia  nos  amabat  priusquam  a  nobis  amotus  fuerit:  neque  enim  quidquam  in  nobis  reperiebat  amore  suo  dignum.  Sed  Me  amor  fuit  ex  paterna  misericordia.  Excipiunt  ministri:  Hieronymum  non  ingenue  respondere  ad  quaestionem  propositam,  quae  huc  spectabat,  quod  gratuitus  Dei  amor,  quo  nos  amplexus  sibi  in  filios  adoptavit,  fidei  nostrae  causa  sit  et  origo.  Ab  hoc  scopo  astute  declinat.  Interea  dissidet  ipse  secum:  prius  enim  responderat,  neminem  diligi  a  Deo,  nisi  qui  fidem  in  Christum  habet.  Nunc  fatetur  nos  dilectos  fuisse  quo  tempore  inimici  eramus.  Atque  hinc  sequitur,  quod  prius  negavit,  in  gradibus  salutis  nostrae  et  electionis  ordine  esse  prius  ac  posterius  in  Deo.  Nam  priusquam  nos  vocaret,  dilexit  tanquam  suas  creaturas  in  Adam  perditas  et  exitio  addictas:  postquam  autem  vocavit,  diligit  tanquam  Christi  membra  et  novas  creaturas,  ad  imaginem  suam  de  integro  conditas.2)  Superioribus  addidit  Hieronymus:  Salutis  eorum  qui  salvi  fiunt,  et  damnationis  eorum  qui  pereunt,  causam  necessariam  non  esse  Dei  voluntatem,  nec  decretum  immutabile.  Zuinglium  in  I.  de  Providentia  scripsisse,  hominem  a  Deo  non  tan"  tum  adduci  ad  peccandum,  et  incitari,  sed  etiam  cogi.  Quod  falsum  est  atque  absurdum.  Modestius  Calvinum  de  ea  re  scripsisse  et  absque  tam  duris  paradoxis,  immutabili  aeternoque  Dei  decreto  necessitari  hominem  ad  peccandum,  sed  hanc  quoque  sententiam  se  damnare.3)  1)  Deum  dedisse  nobis  iidem  ob  amorem  quo  nos  prosequebatur  antequam  nos  ipsum  diligeremus.  Nam  nihil  in  nobis  dignum  reperit  ob  quod  ab  ipso  diligeremur  et  haec  Dei  dilectio  procedebat  ex  sola  ipsius  misericordia  paterna.  2)  Hic  subsistit  apographon  V.  G.  Quae  sequuntur  exstant  %n  caeteris  codd.  et  spec.  in  Archivis  Genev.  I.  c.  Pieces  detachees  N.  7  quod  est  autographon  Calvini.  3)  Haec  Bolseci  declaratio  in  alia  quoque  scheda  separatim  exstat  in  Actis  {Pieces  detachees  N.  15)  paulo  aliter  concinnata  et  sine  exceptione  ministrorum.  Quam  ne  quid  desit  h.  I.  subiicimus:  Praeter  ea  quae  iam  dicta  sunt  respondet,  salutis  nimirum  eorum  qui  salvantur  et  damnationis  eorum  qui  pereunt  causam  necessariam  non  esse  divinam  voluntatem  neque  decretum  eius  immutabile.  Zwinglius  in  1.  de  Providentia  divina  scripsit,  Deum  non  solum  velle  incitare  et  inducere  hominem  ad  peccandum,  verum  etiam  cogere  ad  pecca-