7:220  en  parlant  des  aumosnes,  il  ne  commande  pas  de  iecter  tout  en  un  tas,  a  fin  que  chacun  en  prenne  selon  qu'il  en  aura  besoing,  mais  dict  que  chacun  donne  selon  la  devotion  de  son  cueur  (2  Cor,  9,  7):  non  pas  comme  par  contraincte  ou  necessite,  mais  d'une  franche  affection  et  liberale:  non  pas  que  celuy  qui  a  du  bien,  se  destruise  pour  fournir  aux  autres:  mais  pour  supplier  au  deffaut  de  ses  prochains  par  son  abondance.  Voila  les  propres  motz  de  sainct  Paul.  Que  demandons  nous  plus?  Apprenons  donc  de  conioindre  la  communion  qu'ont  les  fideles  entre  eux  quant  aux  biens,  avec  ordre  et  police,  et  par  consequent  de  reiecter  et  avoir  ea  abomination  ceste  resverie  diabolique,  de  vouloir  mesler  [page  175]  tous  les  biens  en  confus,  pour  introduire  non  seulement  un  labyrinthe  au  monde:  mais  un  brigandage  horrible  :  comme  chacun  le  peut  concevoir:  et  se  verroit  plus  clairement  par  experience.  Quant  aux  sentences  de  sainct  Luc  sus  alleguees,  il  appert  qu'elles  ne  servent  non  plus  a≫  ces  phantastiques,  que  aux  moines  qui  en  ont  aussi  bien  voulu  faire  leurs  choux  gras,l)  pour  fonder  leurs  belles  communautez  de  porceaux,  desquelles  ilz  usent  en  leurs  cloistres.  Ie  laissera  dire  que  leur  charite  ne  s'estend  pas  iusques  la,  que  d'empirer  leur  condition,  pour  bien  faire  aux  autres.  Car  ilz  sont  bien  contens  que  chacun  se  deveste  pour  les  emparer:  de  rien  donner  aux  autres,  ilz  ne  savent  que  c'est.  Parquoy  i'ay  accoustume  de  les  appeller  docteurs  de  la  charite  passive:  d'autant  qu'ilz  souffrent  qu'on  leur  face  tant  de  bien  qu'on,  pourra.  Et  encor  quand  on  a  tout  faict,2)  iamais  ne  sont  contens,  qu'ilz  ne  murmurent  tousiours*  Mais  quand  ce  vient  a  donner,  trouvez  qui  le  [page  176]  face.  Cela  ne  peut  entrer  en  leur  entendement.  Et  tant  s'en  faut  que  ilz  puissent  enseigner  la  charite  active  par  bon  exemple:  que  iamais  on  ne  la  leur  scauroit  apprendre.  Au  reste  pour  ce  que  en  cela  ilz  ne  monstrent  sinon  l'affection  dont  ilz  y  procedent:  ie  ne  les  poursuis  point  plus  outre  sur  ce  poinct.  Il  me  suffist  d'avoir  monstre  combien  la  doctrine  en  soy  est  meschante  et  damnable.  CHAPITRE  XXII.  De  la  resurrection  que  tiennent  les  Libertins.  Sainct  Paul  faict  mention  de  Philetus  et  Hymenee  (2  Tim.  2,  17.  18)  qui  disoyent  desia  de  son  1)  qui  iis  niti  voluerunt,  ut  praeclaras  suas,  imo  suum,  communiones  fundarent.  2)  ubi  omnia  ingurgitarunt.