56:220  Chapitre  XII.  1.  Lors  Marie  et  Aaron  parlerent  contre  Moyse  a  cause  de  la  femme  Ethiopiene  qu'il  avoit  prinse:  car  il  avoit  prins  une  femme  Ethiopiene.  2.  Et  dirent,  Voire,  l'Eternel  a  ii  parle  tant  seulement  par  Moyse?  n'a-il  point  aussi  parle  par  nous?  Et  l'Eternel  ouit  cela.  3.  Or  Moyse  estoit  debonnaire  sur  tous  les  hommes  qui  estoyent  en  la  terre.  4.  L'Eternel  donc  dit  incontinent  a  Moyse,  a  Aaron,  et  a  Marie,  Venez  vous  trois  au  tabernacle  de  convenance.  Et  ils  y  allerent  tous  trois.  5.  Lors  l'Eternel  descendit  en  la  colonne  de  la  nuee,  et  s'arresta  a  la  porte  du  tabernacle:  puis  appela  Aaron  et  Marie,  et  sortirent  tous  deux.  6.  Il  dit,  Escoutez  mes  paroles,  s'il  y  a  quelque  Prophete  entre  vous,  moy  qui  suis  l'Eternel  ie  me  monstreray  a  luy  par  vision,  et  parleray  a  luy  en  songe.  7.  Ce  n'est  pas  ainsi  de  mon  serviteur  Moyse,  lequel  est  fidele  en  toute  ma  maison.  8.  Et  car  ie  parle  avec  luy  bouche  a  bouche,  et  verra  en  vision,  non  point  en  obscurite,  ne  par  similitude,  l'Eternel:1)  et  pourquoy  n'avez  vous  point  craint  de  parler  contre  mon  serviteur  Moyse?  9.  Ainsi  l'indignation  de  l'Eternel  s'enflamma  a  l'encontre  d'eux,  puis  il  se  departit.  10.  Et  la  nuee  se  retira  du  tabernacle:  et  voici  Marie  estoit  ladresse  semblable  a  la  neige,  et  Aaron  regardant  Marie,  la  veit  ladresse,  l  l  .  Lors  Aaron  dit  a  Moyse,  Helas  mon  seigneur,  ie  te  prie,  ne  mets  point  le  peche  sur  nous:  car  nous  avons  fait  follement,  et  avons  peche.  12.  Ie  te  prie,  qu'elle  ne  soit  comme  le  mort,  duquel  quand  il  sort  du  ventre  de  sa  mere  la  moitie  de  la  chair  est  desia  consumee.  13.  Adoncques  Moyse  cria  a  l'Eternel,  disant,  O  Dieu,  ie  te  prie,  guairi-la  maintenant.  14.  Et  l'Eternel  respondit  a  Moyse,  Si  son  pere  eust  crache  contre  sa  face,  n'eust-elle  point  este  honteuse  par  sept  iours?  qu'elle  soit  doncques  sequestree  par  sept  iours  hors  de  l'ost,  et  apres  on  la  revoquera.  15.  Ainsi  Marie  fut  sequestree  hors  de  Tost  par  sept  iours:  et  le  peuple  ne  se  despartit  point,  iusques  a  tant  que  Marie  fust  revoquee.  Chapitre  XIII.  I.2)  En  apres  le  peuple  se  partit  d'Haseroth,  et  assirent  Tost  au  desert  de  Pharan.  2.  Et  l'Eternel  parla  a  Moyse,  disant,  3.  Envoye  des  hommes  pour  espier  la  terre  de  Chanaan,  laquelle  ie  donne  aux  enfans  d'Israel:  vous  envoyerez  un  homme  de  chacune  lignee  de  leurs  peres,  tous  ayant  preeminence  entr'eux.8)  4.  Lors  Moyse  les  envoya  du  desert  de  Pharan,  selon  la  parole  de  l'Eternel:  et  tous  4)  il  verra  la  figure  du  Seigneur  O.  2)  En  hebreu  Ch.  XII,  16.  3)  assavoir  tout  prince  qui  est  sus  eux  O.  qui  soyent  toua  des  principaux  entr'eux  46.  54.  (des  princes  59.)