5:220  mortuus  est  et  resurrexit,  ut  vivis  dominetur  et  mortuis  (Rom.  14,  9).  Vocant  et  Davidem  in  causae  suae  patrocinium,  nostrae  optimum  patronum:  sed  adeo  sine  pudore,  aut  etiam  sensu  communi,  ut  pudeat  ac  pigeat  multa  quae  ab  eo  argumenta  mutuantur,  referre.  Omnia  tamen  quae  ab  illis  usurpari  audivimus,  bona  fide*  a  nobis  referentur.  Audent  primum  istud  citare  (Psal.  82,  6):  Ego  dixi  dii  estis,  et  filii  excelsi  omnes:  vos  autem,  sicut  homines,  moriemini,  etc.  Ac  interpretantur,  deos  quidem  et  filios  Dei  esse  fideles,  sed  mori  et  cadere  cum  reprobis:  ut  aequa  sit  sors  utrorumque,  donec  separabuntur  agni  ab  hoedis.  Respondemus,  quod  a  Christo  accepimus  (Ioann.  10,  34):  illic  vocari  deos,  ad  quos  sermo  Dei  factus  est:  hoc  est,  Dei  ministros:  iudices  scilicet,  qui  gladium  in  manu  gerunt,  acceptum  a  Deo.  Et  si  deesset  nobis  Christi  interpretatio,  ususque  scripturae,  qui  ubique  concinit,  locus  ipse  per  se  satis  clarus  est,  quo  obiurgantur  qui  iudicant  iniquitatem,  et  facies  peccatorum  sumunt.  Hi  dicuntur  dii,  quod  personam  Dei  sustinent,  quum  aliis  praesunt.  Sed  admonentur,  futurum  sibi  iudicem,  cui  rationem  reddant  functionis.  En  specimen.  Audiamus  alterum:  Exibit  spiritus  eius,  et  revertetur  in  terram  suam.  In  illa  die  peribunt  omnes  cogitationes  eorum  (Psal.  140,  4).  Ubi  accipiunt  spiritum  pro  vento,  hominem  abiturum  in  terram,  [fol.  41]  nihil  futurum  nisi  terram,  perituras  omnes  cogitationes,  quae  utique  remanerent,  si  esset  anima.  Nos  vero  non  ita  subtiles  sumus:  sed  pro  nostra  crassitie,  scapham,  vocamus  scapham,  et  spiritum,  spiritum.  Qui  dum  exit  ab  homine,  ipse  homo  in  terram  suam  revertitur,  de  qua  sumptus  est,  ut  diffuse  explicavimus.  Restat  ut  videamus,  quid  sit  cogitationes  perire.  Admonemur,  ne  constituamus  fiduciam  in  hominibus,  quae  debet  esse  immortalis:  foret  enim  incerta  et  parum  stabilis,  quum  vita  hominum  cito  pertranseat.  Ad  quod  significandum,  dixit  perire  eorum  cogitationes:  hoc  est,  quidquid  moliebantur  dum  viverent,  dissipari  et  in  ventum  abire.  Ut  alibi  (Psal.  112,  10):  Peccator  videbit  et  irascetur,  dentibus  suis  fremet  et  tabescet,  desiderium  peccatorum  peribit:  quod  alias  dicitur,  dissipari.  Dominus  dissipat  consilia  gentium  (Psal.  33,  10).  Item:  Inite  consilium,  et  dissipabitur  (Ies.  8,  10).  Quod  verborum  periphrasi  beata  virgo  in  cantico  significavit:  Dispersit  superbos  mente1)  cordis  sui  (Luc.  1,  51).  Tertium:  Et  recordatus  est,  quia  caro  sunt,  spiritus  vadens,  et  non  rediens  (Psal.  78,  39).  Et  spiritum  pro  vento  positum,  ut  fere  ubique,  conten-  1)  Sic  restituimus  ex  Vulgata.  Pnnceps  mendose:  mentis,  quod  caeterae  mutarunt  in:  sensu.