15:220  moleste  fero.  In  hac  enim  confusa  librorum  sylva  graves  eruditas  et  solidas  piorum  recteque  sentientium  hominum,  et  qui  pari  autoritate  iudicioque  praediti  sunt,  lucubrationes  exstare  in  primis  necesse  est,  tum  ad  puritatem  doctrinae  asserendam  ut  ad  posteros  salva  integraque  perveniat,  tum  ad  refutandam  eorum  qui  omnia  permiscent  insulsam  levitatem.  De  Philippo,3)  valde  mihi  dolet.  Ergo  ei  non  satis  est  vel  quocunque  tulerit  hominum  gratia  flexibilem  mutare,  vel  silentio  prodere  veritatem,  nisi  cordatos  Dei  servos,  ad  quorum  imitationem  potius  ipsum  eniti  decebat,  inflectere  ad  suam  mollitiem  conetur.  Praeclare  vero  abs  te  factum,  quod  te  liberum  verae  doctrinae  defensorem  fore  professus  es.  Sic  enim  tuo  exemplo  praescripta  est  ei  regula,  quatenus  pax  fovenda  sit,  ut  scintillam  aliquam  virilis  animi  spirare  tandem  discat.  Ad  collegam  tuum,4)  cui  nimis  serviliter  ille  gratificari  voluit,  D.  Sturmii  hortatu  scripsi,  ut  eum  N.5)  placarem  :  utcunque  tamen  succedat,  nunquam  me  poenitebit  aliquid  tentasse.  Verum,  si  qui  collapsi  sunt,  tuum  est,  impositum  tibi  onus  eo  animosius  sustinere��  Quod  quum  plane  te  facere  intelligo,  magis  ac  magis  in  ea  sententia  confirtnor,  te  mirabili  Dei  providentia,  qui  laboranti  ecclesiae  succurreres,  istic  fuisse  retentum.  D.  Zarikum  meo  nomine  salvere  cupio.  D.  Marchio  noster  te  plurimum  salutat.  Vale,  praestantissime  vir  et  mihi  observande  frater.  Dominus  tibi  semper  adsit,  te  gubernet  laboresque  tuos  benedicat.  Si  maturius  venissent  tuae  literae,  copiosior  ad  Principes  tuo  admonitu  fuisset  exhortatio.  *)  Sed  post  dimidium  Augustum  mihi  fuerunt  redditae.  Collegae  mei  te  salutant.  Genevae,  6.  Calendas  Septembris  1554.  Ioannes  Calvinus  tuus.  2004.  CALVINUS  SLEIDANO.  Eum  gallicanae  ecclesiae  regendae  praefectum  esse  a  senatu  gaudet.  Melanchthonis  sive  philosophiam  sive  astutiam  vituperat.  Plurimorum  martyrum  in  Aquitania  et  Italia  mortes  deflet,  constantiam  laudat.  3)  Cf.  praecedentem  ad  ipsum  Melanchthonem  et  sequentem  ad  Sleidanum.  4)  Marbachium  {N.  1998).  5)  Garnerio.  Vide  ibidem.  Marbachius  rem  placide  componere  voluisse  videtur,  quae  tamen  per  integrum  annum  protracta  tandem  Garnerii  dimissionem  (21.  Aug.  1555)  adduxit  Cf.  Pappus,  Gegenbericht  1611.  4.  p.  203.  6)  in  dedicatione  commentarii.