10.1:220  admonitionem  vobis  facturam  satis:  nec  tamen  ab  illo  ultimo  remedio  vos  prohibere  volui.  Atqui  longe  magis  optarim,  ut  quamprimum  quidquid  est  mali  emendetur  sine  mora,  ut  omnes  in  veram  concordiam  coalescant.  Hoc  si  contingat,  iam  vobis  significo,  magnum  vos  gaudium  allaturos  plurimis  fratribus  vestris,  quibus  ita  vestra  salus  et  tranquillitas  est  cordi,  ut  ad  illam  procurandam  vobis,  si  opus  erit,  paratissimus  habituri  sitis.  Valete  dilectissimi  fratres.  Dominus  vos  spiritu  suo  regat  cum  vera  prudentia,  mansuetudine  et  constantia.  Collegae  vos  ex  animo  salutant.  Genevae,  22.  Decembris  1551.  EIUSDEM  FERE  CUM  SUPERIORE  ARGUMENTI.  *)  Utinam  nunquam  aliud  mihi  scribendi  ad  vos  argumentum  suppeteret,  quam  ut  Domino  pro  suis  in  vos  donis  ipsi  gratias  agerem,  vosque  eadem  opera  ut  ad  continuum  profectum  exhortarer.  Sed  facit  Satanae  nequitia,  ut  optatum  illud  argumentum  mihi  nunc  ereptum  sentiam.  Sic  enim  accepi  illum  vos  inhalasse  quodammodo,  ut  nisi  vos  Dominus  respexisset,  atque  opem  attulisset  singulari  sua  benignitate,  totum  ecclesiae  aedificium  extremam  ruinam  minitaretur.  Et  vero  malum  diuturnum  non  fuit:  sed  a  quo  stetit?  Quis  enim  est  ignis  semel  accensi  exstinguendi  modus?  Nunc  igitur  quum  flamma  consopita  fuerit  a  Domino  ipsius  gratia,  atque  opera  fidelium  ipsius  ministrorum:  ne  tamen  idem  vobis  deinceps  contingat,  induxi  in  animum  vobis  admonitione  apposita  cavere  in  posterum,  dum  etiam  culpam  quae  a  vobis  admissa  est,  ob  oculos  ponerem.  Vos  autem  obtestor  ut  aequi  et  boni  hoc  officium  consulatis,  neque  si  asperior  vobis  visus  fuero,  ut  res  feret,  eo  minus  admittatis  reprehensionem:  ne  si  secus  fiat,  malum  duplicetur  a  vobis.  Qui  sim,  et  quo  salutis  vestrae  affectu  ducar,  quicunque  ad  gregem  Domini  pertinent,  facile  agnituros  confido:  quum  et  vos  in  sinu  et  corde  ipso  gestem,  non  secus  ac  mihi  carissimos  liberos.  Neque  hoc  ab  ulla  ambitione  proficiscitur.  Nam  et  satis  mihi  est,  ut  pro  fratre  a  vobis  habear  et  Christi  servum  me  profiteri  non  possum,  quin  vestrum  quoque  esse  ex  animo  agnoscam.  Hoc  igitur  ad  vestram  utilitatem  pertinet,  ut  mea  haec  admonitio  qua  saluti  vestrae  consultum  volui,  non  pereat,  a^ut  contemptu  vobis  inutilis  reddatur.  Ac  primum  quidem  inaudita  illa  mihi  est  agendi  ratio,  ubi  sic  loquimini,  placere  vobis  ut  ille  concionetur,  atque  ut  coenam  vobis  ministret.  Sane  oportet  ministrum  1)  JEpp.  et  Responsa  ed.  Genev.  p.  350,  Laus.  p.  229,  Hanov.  p.  257,  Chouet  p.  481,  Amst.  p.  219.  Textus  gallicm  quem  Beza  se  vertisse  dicit,  non  exstat.