9:22  tando,  nisi  e  coelo  vox  illa  personet,  Christi  carnem  spiritualem  esse  cibum,  et  sanguinem  vere  esse  potum?  Vere  itaque  concludimus  aquae,  panis  et  vini  materia  nos  Christi  ac  spiritualium  eius  donorum  nequaquam  fieri  compotes,  sed  promissione  ad  ipsum  nos  deduci,  ut  se  nostrum  faciat,  fideque  in  nobis  habitans  impleat  quidquid  signis  promittitur  ac  offertur.  Quid  in  hac  re  quisquam  improbet,  non  video:  nisi  forte  sacris  signis  honorificum  esse  putet,  lusorias  sine  fide  actiones  censeri.  Hac  occasione  merito  iterum  pias  mentes  ad  Christum  reducimus,  ne  quid  aliunde  petant  eorum  bonorum  vel  sperent,  quorum  tessera  illis  ac  pignus  in  signis  proponitur.  Atque  hoc  modo  sequimur  quam  Deus  regulam  Mosi  praescripsit  (Exod.  25,  40):  !)  ut  omnia  exigeret  formaretque  ad  exemplar,  quod  ei  in  monte  ostenderat.  Hunc  enim  locum  non  abs  re  Stephanus  in  Actis,  et  Apostolus  in  epistola  ad  Hebraeos  notant  (Act.  7,  44;  Hebr.  8,  5).  Atqui  ut  olim  crassi  inter  Iudaeos  erroris  corrigendi  [pag.  33]  haec  optima  fuit  ratio:  ne  scilicet  in  visibili  tabernaculo  et  pecudum  victimis  subsisterent,  Christum  ad  quem  suspicerent  illis  ante  oculos  statui:  ita  hodie  ad  spiritualem  illum  archetypum2)  nos  esse  intentos  decet,  ne  inanibus  spectaculis  frustra  ludamur.  Et  certe  Dominus  sacramenta  instituens,  minime  impedimenta  circumdedit,  quae  nos  detineant  in  mundo,  sed  scalas  potius  erexit,  per  quas  sursum  ad  coelos  conscendere  liceat:  quia  nec  alibi  quaerendus  est  Christus,  nec  alibi  etiam  qua^m  in  eo  solo  quiescendum.  Quid  enim,  obsecro?  An  ideo  pro  nobis  mortuus  est  Christus  ac  resurrexit,  ut  nos  ad  mortua  elementa  ablegans  salutis  causa  et  materia  nobis  esse  desineret?  Imo  adiumenta  ad  se  quaerendum  nobis  porrexit,  ut  suo  loco  maneret.  Sequitur  altera  plus  satis  tritae  et  tamen  non  parum  noxiae  superstitionis  correctio:  ubi  monemus,  si  quid  per  sacramenta  nobis  confertur,  id  non  fieri  propria  eorum  virtute,  sed  quatenus  Domino  spiritus  sui  virtutem  in  illis  exserere  placet.  Nam  se  humanum  ingenium  continere  nequit,  quin  vel  includat  Dei  virtutem  signis,  vel  signa  ipsa  in  Dei  locum  substituat.  Ita  fit,  ut  virtutis  suae  laude  spolietur  ipse  Deus,  dum  mortuis  creaturis  acceptum  ferunt  homines  quod  eius  proprium  est.  Haec  doctrinae  nostrae  summa  est,  quam  dilucidis  et  minime  ambiguis  verbis  testamur,  Deum  solum  peragere  quidquid  ex  sacramentis  consequimur:  et  quidem  arcana  sua  et  intrinseca,  ut  loquuntur,  virtute.  Caeterum  ne  quis  obiiceret,  signis  quoque  suas  esse  1)  Add.  en  instituant  le  tabernacle  avec  ses  accessoires  et  dependances.  2)  ce  patron  spirituel  auquel  l'Escriture  nous  ramene.  2*