8:22  possent.  Sed  unde  hoc  scandalum,  nisi  ex  nostra  teneritudine?  Christus  secum  mori  nos  iubet,  ut  vitae  suae  simus  participes.  Per  societatem  passionum  suarum  (Jucere  nos  vult  ad  suam  gloriam.  Non  iniqua  conditio,  si  quid  in  nobis  esset  aequitatis.  Sed  multi  cuperent  Christum  habere  gloriosum  sepulta  crucis  mentione:  quod  fieri  nequit.  Ac  ne  eo  quidem  contenti  culpam,  quae  in  ipsis  residet,  in  doctrinam  ipsam  traducunt.  Sic  olim  Capernaitae  durum  Christi  sermonem  esse  clamitabant  (Ioann.  6,  60)  :  quum  in  ipsis,  non  in  sermone,  esset  duritia.  Miramur,  si  cordatos  habere  discipulos  velit  filius  Dei,  non  molles,  neque  effeminatos?  Miramur,  si  sua  insignia1)  gestari  ab  ipsis  velit?  si  pugnare  sub  vexillo  suo  iubeat?  Huic  morbo  affinis  est  alter  ille,  quem  dixi.  Nam  carnis  abnegatio  res  tam  molesta  est  ut  multos  a  scholae  Christi  accessu  deterreat:  alios,  ubi  ingressi  fuerint,  procul  extrudat.  De  peccato  originali  et  communibus  naturae  vitiis  disputari,  utcunque  ferent:  Dei  gratiam  ac  Christi  beneficia  suis  laudibus  ornari  libenter  concedent:  sed  ubi  ad  curandos  singulorum  morbos  ventum  est,  quia  acris  est  medicina,  eam  contumaciter  recusant.  Ita  multos  cernere  licet,  quibus  evangelium,  quod  primo  gustu  placuerat,  simul  ac  pupugit  ipsorum  conscientias,  plus  quam  amarum  videri  coepit.  Scilicet,  quum  sermo  Dei  gladius  sit  utrinque  secans,  quum  eius  partes  sint  non  arguere  modo  et  reprehendere  manifesta  vitia,  sed  usque  ad  cor  intimum  penetrare,  transfigere  omnes  medullas,  discernere  inter  affectus  et  cogitationes,  denique  totum  hominem  immolare  Deo,  isti  vulnera  sua  attingi2)  nolunt.  Alii  furandi,  alii  rapiendi,  [pag.  23]  alii  scortandi,  alii  commessandi  licentiam  sibi  relinqui  postulant.  Omnes  impune  vanitatis  suae  cursum  persequi  cupiunt.  Quid  igitur  mirum,  si  a  Christo  se  avertant?  Atqui,  dicet  quispiam,  scandalum  monstrare  hoc  est,  non  tollere.  Respondeo,  morbum  fuisse  indicandum,  ut  remedium  tandem  quaeratur.  Corrigenda  potius  erat  animorum  mollities,  quam  quaerendi  praetextus,  qui  nihil  nobis  suffragentur,  vitium  foveant.  At  res  est  ardua.  Quis  negat?  Luctandum  tamen  est,  neque  id  nostra  virtute,  sed  Christi:  qui  sicuti  nos  ad  certamen  mittit,  ita  etiam  instruit  armis  necessariis  ad  vincendum.  O  si  perciperemus  quid  illud  valeat:  Beatos  esse  qui  persequutionem  patiuntur  ob  iustitiam  (Matth.  5,  10),  quam  facile  nobis  esset  eluctari,  non  hoc  offendiculum  modo,  sed  quaecunque  a  mundo  et  carne  nobis  ingeruntur!  Tibi  adeo  molesta  est  persequutio,  ut  a  Christo  resilias.  Cur?  Nescis  quid  valeat  1)  ses  armoiries.  2)  telles  gens  ne  veulent  point  qu'on  touche  leurs  maux  ne  qu'on  gratte  leurs  rongnes.  2*