58:22  22  Peussions  peu  penser,  ni  souhaiter.  C'est  encore  ce  que  nous  avons  a  retenir  de  ce  passage.  Or  il  y  a  ici  une  autre  difficulte:  assavoir,  que  combien  qu'Ismael  soit  ainsi  esleve,  qu'il  voye  tant  de  successeurs  que  merveilles  (car  il  a  vescu  cent  et  trente  sept  ans,  et  aiant  douze  enfans  masles),  il  peut  voir  desia  comme  un  peuple  descendu  de  sa  race.  Combien  donc  qu'il  soit  ainsi  esleve  pour  un  temps,  tantost  apres  le  voila  comme  oste.  Car  Moyse  recite  bien  les  enfans  qu'il  a  eu:  mais  quand  il  en  est  parle  en  l'histoire  saincte,  ils  sont  reiettez,  et  n'ont  nulle  convenance  avec  la  vraie  lignee  d'Abraham,  celle  qui  estoit  benite.  Ainsi,  notons  que  ce  n'est  rien  d'avoir  ainsi  la  vogue,  et  d'avoir  grand  monstre,  et  grand  lustre,  selon  les.  hommes,  et  d'estre  en  reputation,  et  mesme  que  on  s'esinerveille  de  nous,  que  tout  cela  ne  nous  soit  rien,  au  prix  de  l'estat  permanent  de  l'Eglise.  Dieu  dresse  sa  maison  d'une  telle  sorte,  qu'il  semble  que  ce  soit  un  ieu  de  petis  enfans  :  mais  tant  y  a  que  les  fondemens  sont  perpetuels.  Et  puis  il  continue  sa  grace  tellement,  qu'on  void  bien  que  c'est  lui  qui  est  fondateur  de  son  Eglise,  qu'il  l'edifie,  qui  la  parfait  et  maintient.  On  void  cela:  cependant  les  incredules  ont  leurs  discours  et  resolutions:  tellement  qu'ils  sont  comme  l'herbe  qui  croist  sur  les  toicts,  ainsi  qu'il  est  dit  au  Ps.  129,  Le  ble  sera  foule  aux  piez,  on  le  iette  en  la  terre,  et  il  est  la.  en  lieu  bas,  et  cependant  voila  l'herbe  qui  croistra  sur  un  toict  bien  haut:  mais  d'autant  qu'elle  est  plus  prochaine  du  soleil,  elle  n'a  point  de  racine:  ainsi,  il  faut  qu'elle  desseche,  tellement  qu'il  n'en  vient  point  de  fruit,  comme  il  est  la  monstre.  Ainsi  donc,  quand  nous  voions  que  nostre  Seigneur  nous  tient  en  condition  petite  et  basse,  et  que  non  seulement  nous  sommes  mesprisez,  mais  aussi  reiettez  quasi  de  tous:  cognoissons  qu'il  nous  doit  bien  suffire,  que  nous  aions  racine  en  nostre  Dieu,  pour  vivre  par  sa  grace  a  perpetuite:  que  nous  soions  maintenus  de  lui,  et  que  nous  soions  comme  un  arbre  plante  aupres  d'un  ruisseau,  qui  sera  tousiours  arrouse  d'eau  pour  en  attirer  substance.  Contentons  nous  de  cela.  Et  ainsi,  caste  comparaison  n'est  pas  mise  sans  cause,  quand  Moyse  dit  notamment,  qu'Ismael  a  engendre  douze  enfans,  lesquels  ont  este  assemblez  en  douze  peuples,  et  puis  il  demeure  la,  et  les  laisse.  Cependant  il  dit,  Voici  les  generations  d?Isaac.  Et  quoy?  c'est  que  sa  femme  a  este  sterile  iusque  a  ce  qu'il  soit  venu  a  l'aage  de  soixante  ans.  Voila  une  chose  bien  estrange.  Ouy:  mais  nous  verrons  puis  apres  que  Dieu  luy  a  ratifie  sa  promesse  :  assavoir,  qu'il  seroit  multiplie:  en  sorte  qu'il  luy  a  monstre  qu'il  n'avoit  point  parle  en  vain.  Car  qu'a-ce  este  de  voir  une  telle  multitude  de  gens  en  9*