54:22  en  laquelle  il  avoit  este  nourri.  Sainct  Paul  donc  veut  ici  monstrer  qu'il  adore  le  Dieu  d'Israel,  qu'il  persiste  en  la  vraye  et  pure  religion  qui  a  este  du/  temps  de  la  Loy,  et  mesmes  quand  il  adiouste  en  pure  conscience,  il  monstre  qu'il  n'a  point  este  esmeu  ni  d'orgueil,  ni  d'ambition,  ni  de  folle  convoitise,  comme  beaucoup  de  gens  appetent  nouveaute,  d'autant  qu'ils  n'ont  point  de  conscience  qui  les  arreste  et  les  retiene  en  la  crainte  de  Dieu.  Sainct  Paul  donc  monstre  que  ce  qu'il  tenoit  de  l'Evangile,  n'estoit  point  par  une  cupidite  vaine,  mais  qu'il  se  declare  estre  la  comme  devant  Dieu,  et  qu'il  ne  se  veut  point  faire  valoir  devant  les  hommes,  ni  se  priser,  mais  qu'il  se  contente  d'adorer  le  Dieu  vivant.  Voila  en  somme  a  quoy  sainct  Paul  a  pretendu.  Or  ici  nous  avons  a  noter  que  si  un  Apostre  tant  excellent  comme  luy,  a  este  ainsi  denigre  par  les  meschans,  nous  ne  devons  point  trouver  estrange  si  les  serviteurs  de  Dieu  sont  exercez  en  telle  facon.  Et  au  reste,  suyvons  l'exemple  de  sainct  Paul,  c'est  que  nous  puissions  avoir  ce  bouclier  en  la  main  pour  rembarrer  toutes  les  fausses  calomnies  dont  on  nous  charge,  et  dont  on  tasche  de  nous  rendre  odieux  devant  les  hommes,  que  nous  puissions  tousiours  monstrer  (di-ie)  a  la  verite,  et  non  point  nous  vanter  seulement  de  bouche,  que  nous  servons  au  Dieu  vivant,  et  que  nous  y  procedons  en  pure  conscience.  Quand  nous  aurons  ce  tesmoignage-la  devant  Dieu,  et  que  nous  pourrons  aussi  monstrer  de  quoy  devant  les  hommes,  il  faut  que  nous  portions  en  patience  les  murmures,  les  faussetez,  les  mensonges  qui  se  sement  de  nous:  car  ce  n'est  pas  raison  que  nous  ayons  plus  de  privilege  que  n'a  eu  sainct  Paul.  Voila  quant  a  sa  personne.  Mais  cependant  ici  nous  avons  une  bonne  regle  de  bien  servir  a  Dieu.  Car  suyvant  ce  qui  est  dit,  qu'il  regarde  au  dedans,  et  non  point  a  l'apparence  qui  est  prisee  des  hommes,  il  n'est  point  question  que  nous  servions  Dieu  seulement  des  mains,  et  des  pieds,  mais  il  faut  que  nostre  coeur  marche  devant.  Le  vray  service  de  Dieu  donc  sera  cordial,  selon  aussi  ce  qui  est  dit  en  la  Loy,  Tu  aimeras  ton  Dieu,  tu  adhereras  a  lay  dc  tout  ton  coeur.  Il  est  vray  que  Dieu  veut  bien  que  nous  employons  toutes  nos  facultez,  et  tous  nos  membres  a  son  service,  que  le  tout  luy  soit  dedie,  et  le  faut  aussi:  et  de  faict,  un  bon  arbre  se  monstrera  tousiours  par  les  fruicts  exterieurs.  Et  ainsi,  quand  nous  aurons  une  affection  cordiale  de  servir  a  Dieu,  il  faudra  bien  qu'elle  se  monstre  en  toute  nostre  vie,  que  toutes  nos  oeuvres  soyent  comme  les  fruicts  de  ceste  bonne  racine.  Mais  tant  y  a  que  pour  bien  servir  a  Dieu,  il  faut  que  devant  toutes  choses  nous  ayons  ceste  pure  conscience  dont  parle  sainct  Paul.  Que  nous  n'ayons  point  seulement  une  vie  bien  moderee  devant  les  hommes,  et  une  honnestete