53:22  pource  qu'il  cognoist  quelle  personne  il  soustient:  mesmes  s'il  y  a  quelque  sergent  qui  soit  envoye  par  le  iuge,  il  parlera  en  authorite.  Or  quand  Dieu  nous  envoye  et  nous  met  sa  parole  en  la  bouche,  faut-il  que  nous  y  allions  avec  une  simplicite  si  grande  que  les  hommes  en  mesprisent  Dieu,  et  qu'ils  se  mocquent  de  sa  parole  que  nous  portons?  Nenni,  nenni.  Pourtant  sainct  Paul  arme  ici  Timothee,  afin  qu'il  ait  comme  un  front  d'airain  contre  tous  orgueilleux  qui  voudront  faire  des  braves:  qu'il  leur  denonce,  et  qu'il  leur  monstre  que  Dieu  est  par  dessus  eux:  comme  aussi  il  en  est  traitte  au  prophete  Ieremie,  non  seulement  quand  Dieu  luy  dit  qu'il  le  constitue  par  dessus  tous  les  royaumes  et  les  principautez,  mais  quand  il  luy  dit,  II  faut  que  tu  ayes  un  front  d'airain:  car  on  bataillera  contre  toy,  mais  il  faut  que  tu  surmontes:  et  puis  il  dit,  Argue  les  montagnes,  et  repren  les  costaux:  comme  aussi  sainct  Paul  dit,  qu'il  faut  que  nous  abbaissons  toute  hautesse  qui  s'eleve  contre  nostre  Seigneur  Iesus  Christ,  et  que  nous  tenions  tous  sens  humains  captifs,  que  l'Evangile  soit  comme  une  bride,  et  s'il  y  en  a  qui  veulent  faire  des  chevaux  eschappez,  que  nous  leur  monstrions  qu'il  y  a  le  glaive  de  Dieu  qui  emporte  son  execution  quant  et  quant,  et  que  ceux  qui  se  voudront  rebecquer  contre  nous,  ne  demeureront  pas  impunis.  Nous  voyons  ce  que  sainct  Paul  a  entendu  en  ce  passage.  Il  faut  donc  que  tous  ceux  qui  ont  l'office  de  pasteur  en  l'Eglise,  cognoissent  qui  les  a  ordonnez  en  ce  lieu-la,  c'est  ascavoir  Dieu,  et  qu'ils  parlent  en  authorite  et  maistrise,  voire  n'usurpans  rien  a  leurs  personnes:  mais  quand  il  est  question  de  maintenir  la  verite  de  Dieu,  que  nous  poursuyvions,  voire  quelques  menaces  qu'il  y  ait:  et  que  les  hommes  regimbent  tant  qu'ils  voudront,  si  faut-il  toutesfois  que  les  vrais  ministres  de  Iesus  Christ  tienent  bon,  et  qu'ils  monstrent  que  leur  maistre  a  preeminence  par  dessus  toutes  creatures,  et  qu'ils  abbaissent  toute  hautesse,  qui  voudra  tousiours  exceder  sa  mesure,  comme  nous  avons  dit.  En  somme,  nous  voyons  que  ce  n'est  point  assez  d'enseigner  ceux  qui  de  leur  bon  gre  se  rendront  dociles,  et  qui  recevront  volontiers  ce  qu'on  leur  dit:  mais  il  faut  aussi  rembarrer  tous  ceux  qui  s'opposent  a  Dieu,  et  qui  veulent  empescher  que  la  verite  n'ait  son  cours.  Tous  ceux  qui  veulent  desguiser  la  vraye  religion,  qui  veulent  pervertir  l'ordre  de  l'Eglise,  il  faut  quo  nous  monstrions  les  dents  a  telles  gens,  et  combien  que  nous  n'ayons  point  de  glaive  materiel  ne  de  puissance  mondaine,  et  qu'eux  en  soyent  armez,  que  toutesfois  nous  ne  laissions  point  pour  cela  d'executer  fidelement  nostre  charge,  monstrant  (comme  i'ay  dit)  que  la  parole  de  Dieu  n'est  point  seulement  par  dessus  les  hommes  mortels,  mais  qu'il  faut  que  les  Anges  de  paradis  l'adorent.