52:22  lege  se  vocatos  esse  in  Christi  fidem,  ut  persequutiones  pro  eius  nomine  sustineant:  ac  si  diceret,  non  magis  eorum  adoptionem  separari  posse  a  cruce  quam  ipsum  Christum  a  se  avelli.  Hic  clare  testatur  Paulus,  gratuitum  esse  Dei  donum,  tam  fidem  quam  constantiam  in  ferendis  persequutionibus.  Et  cert��  altior  est  sapientia  cognitio  Dei,  quam  ut  proprio  acumine  ad  eam  conscendamus:  et  nostra  imbecillitas  quotidianis  experimentis  se  ostendit,  quum  manum  suam  paululum  subtrahat  Deus.  Quo  tamen  melius  exprimat  gratuitum  esse  utrumque,  nominatim  dicit,  Christi  causa,  vel  certe  super  Christi  gratia  nobis  donari:  quo  excludit  omnem  meriti  respectum.  Pugnat  etiam  hic  locus  adversus  scholasticum  dogma:  quo  tradunt  posteriores  gratias,  praemia  esse  nostri  meriti,  quia  prioribus  recte  usi  fuerimus.  Equidem  non  nego  quin  Deus  rectum  gratiarum  suarum  usum  remuneretur  in  nobis  gratiis  amplioribus,  modo  ne  meritum  gratuitae  eius  liberalitati  et  Christi  merito  opponas,  quod  illi  faciunt.  30.  Idem  habentes  certamen.  Suo  quoque  exemplo  confirmat  quod  dixit:  quod  non  parum  autoritatis  addit  doctrinae.  Et  eadem  opera  admonet,  nihil  esse  cur  suis  vinculis  turbentur,  spectante��  finem  certaminis.  CAPUT  l  l  .  1.  Si  qua  igitur  consolatio  in  Christo,  si  quod  solatium  dilectionis,  si  qua  communicatio  spiritus,  si  qua  viscera  et  misericordiae:  2.  implete  gaudium  meum,  ut  idem  sentiatis,  eandem  habentes  caritatem,  unanimes,  unum  sentientes:  3.  nihil  per  contentionem  aut  inanem  gloriam^  sed  per  humilitatem  alii  alios  existiment  seipsis  excellentiores:  4.  non  considerans  quisque  quod  suum  est,  sed  quisque  quod  est  aliorum.  1.  Si  qua  igitur.  Valde  pathetica  est  ista  exhortatio,  in  qua  modis  omnibus  obsecrat  Philippenses,  ut  concordiam  mutuo  inter  se  colant:  ne  si  intestinis  contentionibus  scindantur,  pseudoapostolorum  imposturis  sint  expositi.  Semper  enim  in  discordiis  aperta  est  ianua  Satanae  ad  spargendas  impias  doctrinas,  ad  quas  repellendas  optima  munitio  est  consensus.  Quia  nomen  TcapaxXifjaetoc  saepe  pro  exhortatione  capitur,  posset  initium  hoc  modo  exponi:1)  Si  quid  valet  apud  vos  exhortatio,  quae  fit  nomine  mandatoque  Christi.  Contextui  tamen  alter  sensus  melius  quadrat:  Si  qua  est  apud  vos  Christi  consolatio,  qua  meos  dolores  mitigetis,  et  si  quod  solatium  et  levamen  afferre  vultis:  quod  certe  de-  *)  Sensus  autem  est