51:22  faire  honte  a  ceux  qui  sont  tellement,  enflammez  que  du  premier  coup  la  raison  ne  les  peut  domter  ni  les  retenir.  Quand  donc  les  hommes  sont  ainsi  bouillans,  et  qu'ils  se  iettent  a  l'abandon,  il  leur  faut  amener  des  remonstrances  convenables  a  leur  nature  pour  leur  faire  honte,  a  fin  de  les  attirer  a  l'obeissance  de  Dieu.  S.  Paul  donc  nous  a  ici  voulu  amener  petit  a  petit  a  surmonter  toutes  nos  passions,  lesquelles  sont  par  trop  exhorbitantes,  a  fin  que  toutesfois  et  quantes  que  nous  serons  solicitez  a  hair  quelqu'un,  ou  a  nous  venger  de  \uy,  que  nous  regardions,  Et  quelle  en  sera  la  fin,  sinon  qu'estans  comme  chiens  et  chats,  nous  viendrons  a  consumer  l'un  l'autre?  Or  avons  nous  note  cela?  Il  nous  faut  marcher  plus  avant,  c'est  quand  les  haines  nous  seroyent  les  plus  utiles  du  monde,  que  nous  pourrions  avoir  victoire  tousiours  sur  nos  ennemis,  que  nous  viendrions  a  bout  de  toutes  nos  prattiques  et  menees:  quand  donc  nous  n'aurions  qu'avantage  en  laschant  la  bride  a  nos  passions,  tant  y  a  que  c'est  provoquer  l'ire  de  Dieu,  quand  nous  ne  pouvons  pas  nous  assuiettir  a  luy  iusques-la  d'aimer  ceux  qui  n'en  sont  pas  dignes.  Puis  qu'ainsi  est  donc,  craignons,  et  nous  rengeons  la  en  toute  humilite.  Et  si  la  chose  est  difficile,  combatons  tant  plus  vertueusement,  iusques  a  ce  que  Dieu  soit  maistre,  et  que  nous  ayons  renonce  a  nous-mesmes  (comme  nous  avons  dit),  quittans  tout  nostre  naturel,  a  fin  que  nous  gardions  ceste  union  sacree  que  Dieu  a  mise  entre  nous,  quand  il  a  voulu  que  nous  fussions  une  chair.  Or  la  dessus  sainct  Paul  adiouste,  que  si  nous  voulons  empescher  que  les  cupiditez  de  nostre  chair  ne  dominent  en  nous,  qu'il  nous  faut  cheminer  en  esprit.  Au  reste  qu'il  y  a  un  combat  fort  difficile,  tellement  que  nous  ne  faisons  pas  ce  que  nous  voulons,  encores  que  Dieu  nous  ait  reformez,  et  qu'il  nous  ait  touchez  au  vif,  que  nous  desirions  de  luy  complaire  en  tout  et  partout,  tant  y  a  neantmoins  qu'encores  ii  n'y  aura  point  de  perfection,  car  tousiours  nous  serons  induits  a  mal  par  nostre  nature.  Or  devant  que  proceder  outre,  il  nous  faut  noter  que  par  le  mot  de  chair  sainct  Paul  entend  tout  ce  qui  est  de  l'homme,  tout  ce  que  nous  apportons  de  nostre  naissance.  Comme  aussi  nostre  Seigneur  Iesus  le  declare  assez  au  3.  chap.  de  sainct  Iean.  Ce  qui  est  nay  de  chair,  est  chair.  Par  l'Esprit  il  n'entend  point  l'ame  de  l'homme:  mais  il  entend  ia  grace  que  Dieu  nous  fait,  quand  il  notus  reduit  a  son  obeissance,  qu'il  corrige  nos  vices  et  ce  qui  est  contraire  a  sa  parole.  Or  c'est  par  mespris  que  les  hommes  sont  appelez  chair  en  l'Escriture.  Mais  encores  en  ce  passage  il  y  a  une  marque  de  vice  et  de  corruption.  Quelquefois  quand  l'Escriture  parle  de  chair,  elle  dira,  Et  bien,  les  hommes  que  sont-ils  sinon  chair?  c'est  a  dire  2*