49:22  dinem  principalem  huius  primae  partis  epistolae,  sola  Dei  misericordia,  per  fidem  nos  iustificari.  Nondum  quidem  hoc  sigillatim  expressum  habemus  Pauli  verbis:  sed  ex  contextu  post  facile  patebit,  iustitiam,  quae  in  fide  est  fundata,  totam  Dei  misericordiae  inniti.  18.  Bevelatur  enim  ira  Dei  e  coelo  super  omnem  impietatem  et  iniustitiam  hominum,  veritatem  Dei  iniuste  continentem:  19.  quia  quod  cognoscitur  de  Deo,  manifestum  est  in  ipsis.  Deus  enim  illis  manifestavit.  20.  Siquidem  invisibilia  ipsius,  ex  creatione  mundi,  operibus  intellecta,  conspiciuntur:  aeterna  quoque  eius  potentia  et  divinitas:  ut  sint  inexcusabiles.  21.  Quoniam,  quum  Deum  cognovissent,  non  tanquam  Deo  gloriam  dederunt,  aut  grati  fuerunt,  sed  exinaniti  sunt  in  cogitationibus  suis,  et  obtenebratum  est  stultum  cor  eorum.  22.  Quum  se  putarent  sapientes,  stulti  facti  sunt:  23.  et  mutaverunt  gloriam  incorruptibilis  Dei  similitudine  imaginis  corruptibilis  hominis,  et  volucrum,  et  quadrupedum,  et  serpentum.  18.  Bevelatur.  lam  ex  comparatione  contrariorum  argumentatur,  quo  probet  iustitiam  nonnisi  per  evangelium  conferri  vel  obtingere1).  Nam  extra  hoc2),  omnes  damnatos  ostendit.  In  ipso  igitur  solo  reperietur  salus.  Ac  primum  quidem  damnationis  argumentum  adducit:  quod,  quum  structura  mundi  et  haec  pulcherrima  elementorum  compositio  debuerit  hominem  instigare  ad  Deum  glorificandum:  nemo  est  qui  officio  suo  fungatur.  Unde  constat  omnes  reos  esse  sacrilegii  et  impiae  scelerataeque  ingratitudinis.  Quibusdam  videtur  hic  esse  prima  propositio:  ut  Paulus  a  poenitentia  concionem  deducat:  sed  ego  arbitror  hic  conflictationem  incipere:  statum  causae  iam  fuisse  in  propositione  superiori.  Consilium  enim  Pauli  est  docere  ubinam  quaerenda  sit  salus.  Pronuntiavit,  non  aliter  nos  eam  consequi  quam  per  evangelium.  Quia  autem  non  libenter  hucusque  se  humiliat  caro,  ut  soli  Dei  gratiae  laudem  salutis  assignet,  universum  mundum  Paulus  reum  facit  aeternae  mortis.  Unde  sequitur,  recuperandam  aliunde  vitam,  quum  in  nobis  simus  omnes  perditi.  Caeterum  particulae  bene  expensae  multum  ad  summam  sententiae  intelligendam  facient.  Inter  impietatem  et  iniustitiam  ita  nonnulli  distinguunt,  quod  putant  priore  vocabulo  violatum  Dei  cultum  notari:  altero,  aequitatem  in  homines.  Sed  quia  statim  iniustitiam  illam  apostolus  ad  religionis  neglectum  refert,  nos  utrumque  de  eodem  interpretabimur3).  Deinde,  omnis  hominum  impietas,  per  hypallagen,  pro  omnium  hominum  :  sive,  cuius  *)  communicari.  2)  ipsum.  3)  accipiemus.