43:22  culis  omnibus  regnasse  apud  Iudaeos,  ut  relicto  Dei  verbo  appeterent  sua  somnia  et  Satanae  fallacias.  Nunc  quum  saepius  tentaverit  Dominus  corrigere  vitium  hoc  per  suos  prophetas,  et  nullus  profectus  sequutus  sit,  hanc  duritiem  hic  propheta  accusat,  et  hac  circumstantia  amplificat  crimen  in  Iudaeis:  Non  est,  inquit,  hoc  novum,  quum  aemulantur  patres  suos  filii,  et  illis  sunt  prorsus  similes.  Sunt  igitur  mala  ova  malorum  corvorum.  Sic  etiam  dicebat  Stephanus,  Vos  duri  et  incircumcisi  corde  resistitis  spiritui  sancto,  sicuti  etiam  fecerunt  olim  patres  vestri  (Act  7,  51).  Nunc  tenemus  consilium  prophetae.  Sed  hinc  colligimus  quid  valeat  subterfugium,  quo  nunc  utuntur  papistae,  quum  antiquitatem  iactant.  Opponunt  enim  contra  legem,  prophetas  et  evangelium  hunc  clypeum,  quod  vetus  sit  eorum  religio,  quod  ipsi  non  fuerint  primi  autores,  sed  sequantur  quod  iam  olim  per  manus  traditum  est,  ac  multis  etiam  sacculis  observatum  fuit.  Quum  plenis  buccis  hoc  praedicant  papistae,  putant  esse  unde  obturent  os  Deo,  et  reiiciant  verbum  eius.  Sed  videmus  quam  frivola  sit  ista  cavillatio,  et  quam  sit  nihili  apud  Deum.  Adeo  enim  propheta  non  concedit  Iudaeis  excusationem  ab  exemplo  patrum,  ut  magis  crimen  eorum  amplificet,  quia  sequantur  patres  suos  perfidos,  et  qui  iam  desciverant  a  lege  Domini,  quemadmodum  etiam  dicit  Ezechiel  cap.  20,  Posi  praecepta  patrum  vestrorum  ne  ambuletis.  Nunc  ergo  tenemus  quale  fuerit  hoc  crimen,  de  quo  concionatur  propheta.  Tandem  sequitur  comminatio  quod  dicit  Dominus,  Ignem  emittam  in  Iehudah,  qui  devorabit  palatia  Ierusalem.  Sed  hoc  totum  iam  exposuimus.  Pergamus  nunc:  6.  Sic  dicit  Iehova,  Super  tribus  sceleribus  Israel  et  super  quatuor  non  convertam  eum  (vel  ad  eum),  quia  emerunt  (vel  vendiderunt  :  quidam  enim  deducunt  a  rTD,  et  putant  E  esse  literam  formalem  nominis.  Alii  autem  deducunt  a  "DD  quod  est  vendere,  vel  mercari.  Sed  sensus  prophetae  eodem  redit,  quia  intelligit  quasi  ad  nundinationem  expositos  fuisse  iustos:  ideoque  praestabit  vertere,  pretium  ipsorum:  quasi  diceret,  commercium  non  secus  ac  de  merce  venale  fuisse  habitum,  quoniam  ergo  emerunt)  iustum  pro  argento,  et  miserum  pro  calceamentis.  Hic  iam  propheta  aggreditur  Israelitas,  ad  quos  missus  fuerat,  quemadmodum  initio  diximus.  Iam  omittit  alios  omnes  populos.  Negotium  enim  habebat  cum  Israelitis,  quorum  erat  peculiaris  doctor.  Sed  voluit  illis  proponere  quasi  in  diversis  speculis  iudicium  Dei,  quod  ipsos  manebat,  quo  melius  expergefierent.  Voluit  etiam  in  ipsis  Iudaeis  ostendere  extremam  vindictam,  Dei,  quum  tamen  maior  illic  esset  integritas,  saltem  adhuc  purior  illic  vi-