36:22  22  hunc  modum:  Etiamsi  in  extremas  orbis  terrae  partes  disiectus  ac  dispersus  fueris,  tamen  te  colligam.  Per  Prophetas  vero  :  Quamvis  te  in  Babylonem  disiecerim,  tamen  post  septuaginta  annos  inde  te  eruam.  Quod  autem  ad  gratuitum  foedus  attinet  olimJ)  cum  patriarchis  a  Deo  percussum,  prophetae  sunt  multo  clariores,  atque  in  eo  populum  magis  confirmant.  Semper  enim  illuc  pios  revocant,2)  dum  volunt  eos8)  consolari,  et4)  Christi  adventum  proponunt,  qui  et  foederis  erat  fundamentum  et  vinculum  mutuae  inter  Deum  et  populum  coniunctionis  :  quapropter  omnis  summa  promissionum  ad  eum  referenda.  Qui  hoc  tenebit,  facile  intelliget  quid  quaerendum  sit  in  prophetis,  et  quem  in  finem  eorum  scripta  intendant.  Et  haec  quidem  velut  digito  nunc  commonstrasse  sufficiet.  Hinc  colligere  licet  quomodo  tractanda  sit  doctrina  verbi:  atque  imitandos  esse  prophetas,  qui  sic  legis  doctrinam  administrarunt,  ut  ex  ea  monitiones,  reprehensiones,  minas,  consolationes  peterent,  quas5)  populo  accommodarent  pro  status  praesentis  ratione.  Tametsi  enim  non  reveletur  nobis  quotidie  quod  pro  vaticinio  proferamus6)  tamen  mores  nostrorum  hominum  conferre7)  operae  pretium  est  cum  prisci  illius  populi  moribus:  atque  ex  historiis  et  exemplis  patefacienda  iudicia  Dei.  Ideo  quae  olim  ultus  est,  non  minus  hodie  etiam  esse  ulturum,  quia  sit8)  perpetuo  similis  sibi.  Hanc  igitur  prudentiam  adhibeant  pii  doctores,  si  cum  aliquo  fructu  prophetarum  doctrinam  tractare  velint.  Haec  de  prophetis  in  genere.  Ut  autem  ad  Isaiam  nostrum  veniamus,  inscriptio  satis  ogtencjit  quis  fuerit,  et  quo  tempore  prophetias  istas  publicarit,  nominatur  enim  hic  eius  pater  Amoz  qui  frater  fuisse  creditur9)  Azariae  regis  Iuda.  Unde  apparet  Isaiam  fuisse  stirpis  regiae,  atque  in  eo  veteres  omnes  consentiunt:  nec  tamen  aut  genus  aut  propinqua  regis  affinitas  (socerum  enim  Manassis  fuisse,  Iudaei  tradunt)  impedire  potuit,  quominus  interimeretur  odio  verbi:  nec  maior10)  habita  est  ratio  ipsius  quam  plebeii  cuiuspiam  "  )  ,  vel  obscuri  et  contempti  hominis.  Tempus  quo  prophetavit  indicant  regum  expressa  hic  nomina.  Sunt  qui  existimant  ipsum  coepisse  demum  sub  finem  regni  Usiae.  Coniecturam  autem  ducunt  ex  visione  quae  refertur  capite  sexto,  qua  se  confirmatum  testatur  Isaias.  Verum  illa  coniectura  nimis  infirma  est,  quemadmodum  dicetur  suo  loco.  Aperte  vero  ex  hac  inscriptione  constat  ipsum  sub  Usia  prophetasse.  *)  quod  Deus  per  Christum  init  cum  hominibus.  2)  ipsum  proponunt.  3)  pios.  4)  semperque  ad  spem  adv.  Chr.  ipsos  revocant,  veluti  ad  f.  et  v.  foederis  quo  .  .  .  .  referenda  est.  5)  et.  6)  quid  facto  opus  sit.  7)  debemus.  8)  esse  enim  .  .  .  .  similem.  9)  fuit.  10)  magis.  u)  e  vulgo  hominum.