35:22  seulement  leurs  pareils  et  compagnons,  mais  les  plus  vieux.  Et  par  consequent  il  faut  que  les  vieux  ne  s'arrestent  point  a  leur  aage  pour  estre  impatiens,  et  reietter  toutes  admonitions,  pour  dire,  Et  comment?  Tay  si  long  temps  vescu,  et  qu'un  ieune  homme  me  monstre  ma  lecon?  Mais  qu'ils  cognoissent,  Non,  ie  devroye  avoir  profite  en  sorte  que  ie  fusse  le  conducteur  des  autres:  mais  ie  voy  maintenant  que  i'ay  besoin  d'estre  conduit,  que  ie  suis  un  ieune  enfant  au  prix  de  ceux  qui  devoyent  estre  enseignez  par  moy.  Et  puis  qu'ainsi  est  que  Dieu  m'a  destitue  de  la  grace  qui  est  requise  a  un  conducteur,  il  faut  que  ie  soye  disciple,  et  non  pas  maistre.  Voila  donc  comme  les  vieilles  gens  se  doivent  renger,  quand  ils  voyent  que  Dieu  a  eslargi  plus  amplement  de  ses  graces  a  ceux  qui  devroyent  les  ensuivre,  et  non  point  cheminer  devant.  Maintenant  de  ce  que  nous  avons  deduit  cy  dessus  nous  avons  une  bonne  doctrine  a  pratiquer,  c'est  a  scavoir  que  l'Esprit  de  Dieu  domine  par  dessus  l'ordre  de  nature.  Or  pour  mieux  encores  comprendre  ce  qui  est  ici  contenu,  notons  qu'Eliu  disant,  Que  c'est  l'Esprit  de  Dieu  qui  habite  aux  hommes,  veut  ici  exprimer  que  c'est  un  don  especial  que  Dieu  fait  comme  par  privilege,  quand  ii  luy  plaist  qu'un  homme  soit  mieux  entendu  que  les  autres.  Il  est  vray  qu'en  general  Dieu  nous  a  fait  creatures  raisonnables,  et  c'est  en  cela  que  nous  differons  d'avec  les  bestes  brutes.  Dieu  donc  a  bien  donne  a  tous  hommes  sans  exception  quelque  iugement  et  esprit:  mais  cependant  nous  voyons  que  l'un  est  tardif  et  lourd,  l'autre  sera  agile,  l'un  sera  es  vente,  l'autre  aura  bonne  gravite  en  soy.  D'ou  procede  cela?  Cognoissons  que  Dieu  tient  ses  graces  en  sa  main,  et  les  distribue  a  sa  volonte  a  qui  bon  luy  semble.  Voila  ce  qu'Eliu  a  voulu  ici  signifier,  a  fin  que  les  hommes  ne  pensent  point  avoir  un  heritage  de  nature  qu'ils  ayent  apporte  du  ventre  de  leur  mere,  qu'ils  ne  pensent  point  avoir  une  chose  qui  leur  soit  deue  et  acquise.  Voici  Eliu  qui  prononce,  Dieu  nous  a  tous  creez,  il  est  vray  que  nous  aurons  quelque  raison,  voire  mais  ce  sera  par  mesure:  cependant  si  un  homme  a  savoir,  s'il  a  prudence,  il  faut  qu'il  cognoisse  que  Dieu  luy  a  tendu  la  main  par  especial,  et  qu'il  se  cognoisse  estre  tant  plus  tenu  et  oblige  a  Dieu.  Or  quand  cela  nous  est  dit,  c'est  a  fin  que  nous  ne  soyons  point  eslevez  en  arrogance,  et  que  nous  ne  pensions  pas  mieux  valoir  quand  nous  aurons  intelligence  et  esprit:  cognoissans  que  s'il  a  pleu  a  Dieu  nous  faire  ceste  grace,  il  nous  faut  cheminer  en  tant  plus  grande  crainte:  car  nous  luy  sommes  tant  plus  redevables:  et  cependant  s'il  nous  a  voulu  eslargir  de  ses  biens,  c'est  aussi  afin  que  nous  en  communiquions  a  nos  prochains.  Si  donc  nous  n'en  2*