34:22  que  nous  avons  besoin  de  nous  aguillonner  comme  des  asnes.  Voila  dequoy  a  servi  le  sac  et  la  poudre  aux  Peres  anciens:  car  quand  ils  ont  use  de  ceste  ceremonie  ici,  ce  n'a  pas  este  en  vain.  Au  reste,  il  faut  aussi  que  nous  venions  a  Dieu,  quand  nous  voulons  ietter  les  cendres  sur  nos  testes,  car  le  corps  n'est-il  pas  cree  de  lui?  Tout  ainsi  donc  que  nous  devons  avoir  nos  coeurs  attentifs,  il  faut  que  les  corps  respondent,  et  que  le  tout  soit  dedie  k  Dieu,  et  lui  face  hommage.  Nous  voyons  donc  maintenant  que  ces  choses  n'ont  pas  este  singeries  frivoles,  quand  les  peres  anciens  ont  prins  la  haire  et  le  sac  sur  leur  dos,  et  qu'ils  ont  aussi  iette  la  poussiere  sur  leurs  testes.  Et  voila  comme  Iob  en  parle.  Ce  neantmoins  le  Prophete  Ioel  dit  (2,  13),  Descirez  vos  coeurs,  et  non  pas  vos  vestemens.  Ii  ne  veut  pas  reietter  ces  signes  exterieurs-la,  mais  il  s'adresse  aux  hypocrites,  lesquels  pensoyent  bien  s'estre  aequi  tez.  quand  ils  avoyent  fait  beaucoup  de  singeries  devant  les  hommes,  et  qu'ils  avoyent  belle  apparence,  qu'il  sembloit  qu'ils  fussent  tout  confits  en  repentance.  Voire  (dit-il)  vos  robbes  rendront  bon  tesmoignage,  vous  faites  ici  beaucoup  de  fanfares  pour  monstrer  que  vous  estes  bons  penitens.  Mais  quoy?  Voila  vos  coeurs  qui  demeurent  tousiours  obstinez  en  leur  malice,  ils  sont  durs  comme  des  enclumes,  c'estoit  par  la  qu'il  falloit  commencer.  Au  reste,  il  dit  neantmoins,  qu'on  prenne  le  sac  et  la  cendre,  qu'on  se  iette  a  terre,  et  qu'on  pleure  devant  Dieu,  et  que  les  gouverneurs  commencent  et  ceux  qui  ont  charge  publique,  et  que  tout  le  reste  du  peuple  suive.  Maintenant  donc  nous  voyons  comme  les  Peres  anciens  ont  use  du  sac  et  de  la  poudre  :  quand  il  a  este  question  de  protester  leur  repentance  devant  Dieu.  Auiourd'huy  il  est  vray  que  nous  ne  serons  point  astreints  ni  obligez  a  telles  formes  de  faire  :  mais  si  est-ce  que  si  nostre  repentance  estoit  telle  qu'elle  doit,  nous  ne  serions  pas  ainsi  froids  comme  nous  sommes:  car  toutes  les  necessitez  que  nous  avons  alleguees  se  trouvent  aussi  bien  en  nous.  Si  ceux  qui  anciennement  ont  iette  un  sac  sur  leur  dos  se  vouloyent  inciter  a  cognoistre  leurs  pechez,  et  a  les  confesser  devant  Dieu,  que  sera-ce  de  nous,  ie  vous  prie?  Avonsnous  un  tel  zele  et  si  ardent  pour  demander  pardon  a  Dieu?  Somme8-nous  abbatus  pour  nous  desplaire  en  nos  fautes,  et  les  avoir  en  telle  detestation  qu'il  seroit  requis?  Helas  non!  il  s'en  faut  beaucoup:  mais  nous  y  sommes  stupides.  Si  donc  les  Peres  anciens  ont  eu  besoin  de  s'humilier  en  cognoissant  leurs  pechez,  d'autant  plus  le  devonsnous  faire.  Mais  quoy?  Nous  n'y  pensons  gueres.  Et  en  cela  voiton  que  nous  ne  savons  que  c'est  ne  de  Dieu,  ne  de  son  iugement,  ne  de  nos  pechez.  Il  est  vray  que  de  nos  pechez  ils  nous  seront  assez  2*