33:22  22  comme  nous,  lesquels  toutesfois  ont  resiste  aux  tentations,  et  ont  persevere  constamment  en  l'obeissance  de  Dieu,  combien  qu'il  les  affligeast  iusqu'au  bout.  Or  nous  en  avons  ici  un  miroir  excellent.  Au  reste  ce  n'est  pas  le  tout  que  nous  considerions  la  patience  de  Iob,  mais  nous  avons  a  regarder  Tissue,  comme  aussi  S.  Iaques  en  parle:  Car  si  Iob  fust  demeure  confus,  encores  qu'il  y  eust  eu  une  vertu  plus  que  Angelique  en  soy,  cela  n'eust  point  este  une  heureuse  issue.  Mais  quand  nous  voyons  qu'il  n'a  point  este  frustre  de  son  espoir,  et  d'autant  qu'il  s'est  humilie  devant  Dieu,  qu'il  a  trouve  grace,  voyant  une  telle  issue,  nous  avons  a  conclure  qu'il  n'y  a  rien  meilleur  que  nous  assubiettir  a  Dieu,  et  souffrir  tout  ce  qu'il  nous  envoye  paisiblement,  iusques  a  tant  qu'il  nous  delivre  par  sa  pure  bonte.  Or  cependant  outre  l'histoire  nous  avons  a  regarder  la  doctrine  qui  est  comprise  en  ce  livre:  c'est  a  scavoir  de  ceux  qui  sont  venus  .sous  umbre  de  consoler  Iob,  et  le  tormentent  beaucoup  plus  que  ne  faisoit  pas  son  mal  propre,  et  des  responses  qu'il  a  pour  repousser  leurs  calomnies,  desquelles  il  semble  qu'ils  le  veulent  accabler.  Or  en  premier  lieu  nous  avons  a  noter  quant  a  nos  afflictions,  combien  que  Dieu  les  envoye,  et  qu'elles  procedent  de  luy,  toutesfois  que  le  diable  cependant  nous  les  suscite,  comme  aussi  Sainct  Paul  nous  advertit,  que  nous  avons  la  guerre  contre  les  puissances  spirituelles.  (Eph.  6,  12.)  Car  quand  le  diable  allume  ainsi  le  feu,  il  a  aussi  des  soufflets,  c'est  a  dire  il  trouve  des  hommes  qui  sont  propres  pour  tousiours  nous  picquer,  et  croistre  le  mal,  et  l'augmenter.  Ainsi  donc  nous  verrons  comme  Iob,  outre  le  mal  qu'il  enduroit,  a  este  tourmente,  voire  par  ses  amis,  et  par  sa  femme,  et  sur  tout  par  ceux  qui  sont  venus  le  tenter  spirituellement.  Or  i'appelle  tentation  spirituelle,  quand  nous  sommes  non  seulement  battus  et  affligez  en  nos  corps:  mais