32:22  omnes  stultitia  cuperent,  quam  alia  etiam  ratione  exaggerat,  quod  in  ea  pertinaciter  maneant:  id  enim  valet  interrogatio,  Quando  tandem  sapietis?  Videtur  quidem,  dum  interrogat,  An  non  audiret  Deus  qui  aures  formavit?  frigide  asserere  contra  impios,  Dei  providentiam:  quia  nemo  tam  .barbarus  est  qui  Deo  cognitionem  plane  detrahat:  sed,  quemadmodum  nuper  dixi,  tam  crassa  audacia,  in  qua  sibi  indulget  maior  pars  mundi,  testis  est,  eos  qui  tam  secure  contra  Deum  irruunt,  eius  loco  imaginari  mortuum  idolum,  quia  si  serio  persuasi  essent,  ab  eo  sua  facta  adspici  et  notari,  non  minus  saltem  honoris  ei  deferrent  quam  mortalibus,  quorum  metu  et  reverentia  a  peccando  prohibentur.  Non  abs  re  igitur  propheta  ad  excutiendum  hunc  torporem  ratiocinatur  a  naturae  ordine,  quum  homines  visu  et  auditu  praediti  sint:  quia  haec  illis  facultas  a  Deo  opifice  collata  est,  fieri  non  posse  ut  quidquam  eum  lateat  qui  tam  aures  quam  oculos  creavit.  10.  {Qui  arguit  gentes)  Argumentum  est  a  maiori  ad  minus,  fieri  non  posse  ut  Deus  qui  totis  populis  non  parcit,  sed  ulciscitur  eorum  peccata,  paucos  homines  impunitos  praetereat.  Quanquam  posset  etiam  esse  gentium  comparatio  cum  Iudaeis.  Nam  si  Deus  erga  gentes,  legis  suae  ignaras,  severitatem  exercet,  digni  sunt  gravioribus  poenis  Iudaei  quos  Deus  in  sua  schola  familiariter  edocuit,  quia  sicuti  electo  populo  praesidet,  ita  aequum  est  illic  clarius  fulgere  eius  iustitiam.  Ego  tamen.priorem  sensum  libentius  amplector,  quod  stulte  impunitatem  sibi  promittant  pauci  homines,  qui  Deum  vident  publicas  de  cunctis  gentibus  poenas  exigere.  Restringunt  hoc  quidam  ad  insignes  et  memorabiles  vindictas  quae  in  scriptura  leguntur  :  quales  fuerunt  quum  Deus  Sodomam  igne  coelesti  et  totum  humanum  genus  diluvio  perdidit,  Gen.  cap.  19  et  7.  Sed  simplicius  accipere  malo,  nimis  perversam  eorum  contumaciam,  qui  populis  pereuntibus  salvos  se  fore  confidunt.  Quod  postea  addit  ipsum  docere  homines  scientiam,  ad  perstringendam  eorum  confidentiam  valet  qui  ex  Dei  contemptu  laudem  acuminis  vel  astutiae  captant:  sicuti  Iesaias  29,  15  vafros  istos  contemptores  maledicit  qui  sibi  cuniculos  fodiunt  quibus  se  abscondant  a  Dei  oculis.  Atque  utinam  hoc  morbo  nunc  quoque  mundus  non  scateret.  Sed  videmus  quibus  integumentis  tam  aulici  homines,  quam  forenses  suas  mentes  obtenebrent,  ut  sine  ullo  pudore  subsannare  Deum  audeant.  Vos  scilicet,  inquit,  ingeniis  vestris  confisi,  Deum  eludere  tentatis:  quasi  vestrum  sit  eum  privare  scientia,  qui  ex  sua  plenitudine  exiguas  tantum  particulas  in  mundum  distillat.  l  l  .  Iehova  novit  cogitationes  hominum  quod  vanae  sint  12.  Beatus  vir  quem  erudieris  Deus,  et  a  lege  2*