29:22  ceste  terre  en  laquelle  ils  ont  habite,  mais  de  l'heritage  qui  estoit  la  signifie  comme  sous  un  gage  et  figure.  Maintenant  donc  Dieu  veut  que  nous  soyons  de  sa  maison,  que  nous  soyons  assemblez  en  son  Eglise  et  en  son  trouppeau,  iusques  a  ce  qu'il  nous  recueille  en  son  royaume:  si  au  lieu  de  l'honorer,  au  lieu  de  nous  adonner  a  son  service,  nous  soyons  gens  dissolus,  abandonnez  a  tout  mal,  et  qu'encores  outre  cela  il  y  ait  l'obstination,  et  qu'il  n'y  ait  moyen  de  nous  ra*  mener  au  chemin  de  salut:  et  pensons-nous  que  nostre  Seigneur  ne  se  venge  point  d'une  telle  ingratitude?  Et  au  reste  ne  trouvons  point  estrange,  quand  il  est  parle  des  petis  enfans.  Car  touchant  des  filles  a  marier,  des  ieunes  gens  et  des  vieux,  si  un  peuple  est  corrompu,  et  que  le  mal  soit  la  desborde  (comme  on  dit),  ceux-la  en  seront  infectez  aussi  bien:  et  on  le  void.  Car  les  vieilles  gens  seront  confits  en  malice,  qu'il  leur  faudroit  escorcher  cent  mille  peaux  s'ils  en  avoyent  autant,  plustost  que  de  les  amender,  quand  ils  sont  ainsi  accoustumez  a  offenser  Dieu  :  car  ils  concoyvent  une  telle  stupidite,  voire  une  rage,  qu'on  n'en  peut  plus  venir  a  bout.  Quant  aux  ieunes  gens,  on  voit  qu'ils  sont  comme  enflammez  a  faire  la  guerre  a  Dieu:  des  ieunes  filles,  si  le  mal  regne  en  quelque  lieu,  que  tout  soit  la  perverti,  elles  sont  comme  des  biches,  il  n'y  a  plus  ni  honnestete,  ni  crainte  de  Dieu  encores  moins:  on  voit  donc  cela.  Et  ainsi,  il  ne  se  faut  point  esbahir  si  Dieu  menace  et  ieunes  et  vieux.  Or  quant  aux  petis  enfans,  cela  pourroit  estre  trouve  plus  sauvage,  car  ils  n'ont  point  offense  ce  semble.  Et  Dieu  punira-il  les  innocens?  Ne  dit-il  point  par  son  Prophete  Ezechiel,  que  ceux  qui  auront  offense  porteront  leur  punition,  et  que  le  fils  ne  sera  point  chastie  pour  le  pere?  Or  notons  que  Dieu  a  la  raison  des  iugemens  qu'il  exerce,  combien  qu'elle  nous  soit  incogneue.  Nous  pourrons  donc  trouver  quelques  chastimens  de  Dieu  par  trop  rigoreux,  mais  cependant  il  sait  pourquoy  :  et  c'est  a  nous  en  toute  humilite  d'adorer  ce  qui  nous  est  incomprehensible.  Car  si  nous  voulons  mesurer  a  nos  sens  toutes  les  oeuvres  de  Dieu,  et  que  sera-ce?  y  pourrons-nous  parvenir?  nostre  intelligence  iusques  ou  8'estend-elle  ?  que  nous  cognoissons  combien  elle  est  foible  et  petite,  et  quelle  rudesse  il  y  a  en  nous.  Or  cependant  quels  sont  les  iugemens  de  Dieu?  c'est  un  abysme  si  profond,  qu'il  est  impossible  d'y  atteindre:  ils  sont  incomprehensibles,  dit  l'Escriture.  Et  puis:  Qui  est-ce  qui  a  este  appelle  en  son  conseil?  Ainsi,  contentons-  nous  de  ce  que  Dieu  nous  a  revele,  et  qu'il  nous  souvienne  de  ce  que  nous  avons  veu  nagueres  :  Que  les  secrets  sont  a  nostre  Dieu,  et  que  ce  qui  est  en  la  Loy  est  pour  nous  et  pour  nos  enfans:  c'est  a  dire,  qu'il  nous  faut  tenir  a  ceste  mesure  que  2*