28:22  pour  nous  desguiser,  c'est  une  chose  desplaisante  a  Dieu,  encores  qu'elle  n'apportast  nul  mal.  Et  au  reste,  nous  voyons  que  cela  procede  d'une  folle  ambition:  et  quand  les  hommes  sont  si  adonnez  a  vanite,  il  est  certain  qu'ils  mesprisent  leurs  ames,  et  qu'ils  n'y  pensent  gueres.  Et  puis  ii  y  a  de  l'outrecuidance,  qu'ils  veulent  estre  prisez.  Et  quand  on  y  procede  en  telle  sorte,  dira-on  qu'il  n'y  a  point  de  mal  ?  Car  tous  ces  desguisemens  et  superfluitez  a  quoy  tendent-ils,  sinon  a  toute  corruption,  et  de  paillardises,  et  de  choses  semblables,  outre  ce  qu'il  y  a  de  despences  superflues?  Et  ainsi  notons,  que  pour  ne  nous  point  ietter  en  tels  dangers,  pour  prophaner  nos  corps  en  paillardises  et  autres  infections,  qu'il  nous  faut  eviter  les  occasions  mauvaises,  et  que  nous  n'ayons  rien  qui  soit  pour  nous  induire  a  quelque  meschante  cupidite  de  paillardise,  ou  autrement:  mais  qu'un  chacun  s'accoustre  sobrement,  et  pour  son  usage.  Voila  en  somme  comme  nous  avons  a  prattiquer  ce  commandement.  Or  Moyse  adiouste  :  Que  si  on  rencontre  un  nid  d'oiseau,  qu'on  en  prendra  les  petis  :  mais  qu'on  laissera  eschapper  la  mere,  quand  elle  couvera  ses  oeufs,  ou  qu'elle  sera  sur  ses  petis.  De  prime  face  il  semble  bien  que  ceci  ne  soit  pas  digne  d'estre  couche  en  la  Loy  de  Dieu.  Car  n'y  a-il  point  choses  plus  grandes,  et  plus  necessaires,  que  de  parler  des  petis  oiseaux?  Pourquoy  est-ce  que  Dieu  n'a  plustost  dit,  que  si  on  voit  une  mere  qui  nourrisse  son  enfant,  qu'on  ne  la  moleste  point:  et  que  plustost  on  luy  donne  secours  et  aide,  et  qu'on  se  garde  bien  de  la  toucher?  Car  ce  seroit  violer  le  petit  enfant,  une  povre  creature  innocente.  Pourquoy  est-ce  que  Dieu  n'a  parle  ainsi?  Qu'estoit-il  besoin  d'aller  dire  :  Qu'on  laisse  eschapper  un  oiseau,  quand  il  couvera  ses  petis?  Or  par  ceci  il  nous  a  voulu  tant  mieux  exprimer  combien  toute  cruaute  luy  est  execrable.  Car  s'il  ne  la  peut  porter,  quand  elle  s'adressera  a  des  petis  oiseaux  :  quand  on  viendra  a  violer  son  image,  c'est  a  dire,  qu'on  fera  quelque  iniure  a  un  homme,  cela  demeurera-il  impuni?  Ainsi  donc  notons,  que  Dieu  en  parlant  des  petis  oiseaux,  a  beaucoup  mieux  declaire  son  intention,  que  s'il  eust  simplement  parle  des  hommes.  Car  c'est  autant  comme  s'il  disoit:  Accoustumez-vous  tellement  a  estre  humains,  et  a  ne  faire  nul  acte  de  cruaute,  que  les  petis  oiseaux  mesmes  s'en  sentent:  que  vous  ne  prattiquiez  point  seulement  ceste  reigie-la  entre  vous,  mais  que  quand  vous  regarderez  la  un  oiseau,  que  vous  cognoissiez:  Non,  nostre  Seigneur  veut,  pour  nous  mieux  instruire  a  equite  et  raison,  que  nous  en  donnions  quelque  enseignement,  e%  quelque  tesmoignage  iusques  aux  creatures  qui  ne  peuvent  rien  quereler  contre  nous.  Un  petit  oiseau  n'a  point  de  langue,  pour  demander  raison,  pour  intenter  procez  contre  nous.  Mais  tant  y  a,  en-  2*