26:22  ne  gourmandions  point  les  biens  que  Dieu  nous  envoye,  pour  estre  ici  comme  bestes  brutes,  ayans  les  museaux  fourrez  en  terre:  mais  plustost  levons  la  teste  au  ciel,  et  cognoissons  que  Dieu  nous  appelle  a  soy  :  et  que  ce  n'est  rien  d'avoit  eu  quelque  prosperite  terrienne,  sinon  que  nous  allions  plus  loin.  C'est  que  nous  tendions  a  nostre  Dieu  pour  estre  conioints  a  luy  a  tout  iamais.  Voila  ce  que  nous  avons  a  retenir.  Et  mesmes  notons  que  ces  deux  peuples,  desquels  il  est  ici  parle,  se  sont  monstrez  plus  qu'ingrats,  rendans  un  salaire  aux  enfans  dIsrael  tout  autre  qu'on  n'eust  attendu.  Nous  voyons  comme  les  enfans  d'Israel  sont  passez  parmi  eux  qu'ils  ont  desbource  argent,  voire  iusques  a  acheter  l'eau  qu'ils  beuvoyent.  Les  Moabites  donc,  et  Ammonites,  non  seulement  n'avoyent  nulle  occasion  de  se  plaindre,  n'ayans  este  grevez  ni  faschez,  n'ayans  aucun  dommage  par  les  enfans  de  Israel:  mais  ils  devoyent  penser:  Voici  Dieu  qui  a  voulu  ratifier  la  fraternite  que  estoit  entre  nous,  et  cela  doit  estre  imprime  en  nostre  memoire.  Que  s'ils  n'eussent  eu  histoires  ni  chroniques:  si  est-ce  que  cela  devoit  estre  memorable  entr'eux,  et  de  pere  en  fils  leur  nom  en  devoit  estre  commun,  afin  qu'ils  s'appliquassent,  et  qu'ils  s'estudiassent  a.  se  maintenir  les  uns  les  autres  :  quand  il  n'y  eust  eu  nulle  alliance  ni  promesse,  cela  devoit  suffire  pour  les  tenir  en  paix  et  concorde.  Or  tout  au  rebours  ils  sont  comme  des  scorpions  pour  picquer  les  enfans  d'Israel:  et  quand  ils  ne  peuvent  esmouvoir  guerre  contr'eux,  ils  se  viennent  accoupler  avec  leurs  ennemis,  ils  leurs  suscitent  beaucoup  de  querelles:  et  quand  il  leur  advient  quelque  calamite,  ils  sont  comme  des  chiens  qui  abbayent,  ils  crient,  narre,  harre,  apres,  comme  nous  voyons  qu'il  en  est  parle,  et  par  les  Prophetes  et  aux  Pseaumes.  *  Car  il  est  dit,  Seigneur,  qu'il  te  souvienne  des  enfans  d'Edom  qui  estoyent  les  plus  prochains.  Car  ils  estoyent  descendus  d'Esau,  ils  estoyent  circoncis  aussi  bien  que  les  enfans  d'Israel,  ils  portoyent  la  marque  de  l'Alliance  de  Dieu,  comme  domestiques  de  l'Eglise:  et  neantmoins  ils  crioyent  en  la  iournee  de  Ierusalem:  Sus  sus,  qu'on  la  rase,  qu'il  n'y  demeure  pierre  sur  pierre.  Voila  donc  une  cruaute  si  grande,  que  les  ennemis  seroyent  plus  humains  que  ceux-ci  qui  devroyent  estre  freres,  et  qui  en  avoyent  l'occasion.  Autant  en  est-il  de  Moab.  Car  quand  les  povres  Iuifs  estoyent  deschassez,  et  qu'ils  s'enfuyoyent  en  Moab,  pensans  la  avoir  quelque  retraitte,  il  estoyent  trahis  par  ceux  ausquels  ils  s'estoyent  retirez.  Et  pour  ceste  cause  Dieu  se  plaint  d'une  telle  cruaute,  disant:  Moab,  tu  estois  la  cachette  de  mon  peuple:  et  quand  il  s'est  retire  a  toy,  tu  l'as  dechasse,  voire,  et  l'as  traitte  plus  cruellent  que  les  ennemis.  Voila  donc  le  salaire  qu'ont  rendu  ces  peuples  que  Dieu  avoit  2*