2:22  cituum  sanctificaverimus,  non  valde  terrebimur.  Sive  enim  in  similem  impietatem  multa  saecula  consenserint,  fortis  est  qui  ultionem  in  tertiam  et  quartam  generationem  faciat;  sive  totus  simul  orbis  in  eandem  nequitiam  conspiret,  experimento  docuit  quis  sit  eorum  exitus  qui  cum  multitudine  delinquunt,  quum  universum  hominum  genus  diluvia  perdidit,  servato  Noe  cum  modica  familia,  qui  per  suam  unius  fidem  totum  orbem  condemnaret  (Hebr.  l  l  ,  7).  Denique  prava  consuetudo  non  secus  ac  publica  quaedam  est  pestis,  in  qua  non  minus  pereunt  qui  in  turba  cadunt.  Ad  haec  expendere  decebat  quod  alicubi  dicit  Cyprianus,  1)  eos  qui  ignoratione  peccant,  etsi  non  possint  omni  se  culpa  eximere,  videri  tamen  posse  quoquomodo  excusabiles;  oblatam  autem  Dei  beneficio  veritatem  qui  pertinaciter  respuunt,  nihil  habere  quod  obtendant.  Dilemmate  suo  non  adeo  vehementer  nos  premunt  ut  fateri  adigant,  vel  ecclesiam  fuisse  aliquamdiu  intermortuam,  vel  nunc  cum  ecclesia  nobis  litem  esse.  Vixit  sane  Christi  ecclesia,  et  vivet  quamdiu  Christus  regnabit  ad  dexteram  patris,  cuius  manu  sustinetur,  cuius  praesidio  defenditur,  cuius  virtute  suam  incolumitatem  retinet.  Praestabit  enim  ille  indubie  quod  semel  recepit,  se  affuturum  suis  usque  ad  consummationem  saeculi  (Matth.  28,  20).  Adversus  eam  nulla  nunc  nobis  pugna  est,  siquidem  Deum  unum  et  Christum  dominum  uno  consensu,  cum  omni  fidelium  populo,  colimus  et  adoramus,  qualiter  semper  ab  omnibus  piis  adoratus  est.  Sed  non  parum  a  vero  ipsi  aberrant,  dum  ecclesiam  non  agnoscunt  nisi  quam  praesenti  oculo  cernant,  et  eam  iis  finibus  circumscribere  conantur  quibus  minime  inclusa  est.  In  his  cardinibus  controversia  nostra  vertitur:  primum  quod  ecclesiae  formam  semper  apparere  et  spectabilem  esse  contendunt,  deinde  quod  formam  ipsam  in  sede  romanae  ecclesiae  et  praesulum  suorum  ordine  constituunt.  Nos  contra  asserimus,  et  ecclesiam  nulla  apparente  forma  constare  posse,  nec  formam  externo  illo  splendore,  1)  Epist.  3.  libr.  2.  et  in  epist,  ad  Iulianum  de  haeret,  baptiz.  73.  2*