19:22  elles  m'ont  promis)  non  seulement  d'entretenir  leurs  pasteurs,  mais  de  se  renger  entierement  sous  le  ioug  de  Christ.  Quant  a  nostre  eglise  elle  prospere  grandement,  graces  au  Seigneur.  La  premiere  assemble  qui  fut  faicte  (a  grande  difficulte)  fut  de  douze  personnes,  nous  en  avons  fait  auiourd'huy  une  en  la  nuict  la  ou  il  n'y  avoit  gueres  moins  de  mille  personnes.  Nous  baptisons,  et  enterrons  chrestiennement  noz  morts  et  sommes  en  deliberation  de  celebrer  la  saincte  cene,  pour  declairer  que  nous  sommes  une  eglise  de  Christ  entierement.  Noz  adversaires  ne  cessent  de  machiner  a  l'encontre  de  nous,  mais  nous  avons  esperance  au  Seigneur  qui  conserve  et  maintient  ses  serviteurs,  lequel  nous  rend  asseures  la  ou  noz  adversaires  tremblent  de  peur,  combien  quil  facent  des  mauvais.  J'ay  este  au  Synode  provincial  qui  fut  tenu  en  la  grande  cite  4)  le  seziesme  iour  du  mois  de  septembre  dernier  passe  et  ay  este  de  retour  en  ceste  eglise  le  vingtiesme  dudit  mois.  Or  i'ay  veu  audit  Synode  une  si  grande  union  que  quant  ie  n'auroye  receu  autre  bien  de  nostre  Seigneur  depuis  que  ie  suis  venu  par  deca  que  la  ioye  et  consolation  que  i'ay  eu  de  me  trouver  a  une  si  saincte  assemblee  et  compaignie  de  vrays  serviteurs  de  Dieu:  jl  ne  m'est  pas  possible  de  pouvoir  assez  rendre  graces  au  Seigneur  d'un  si  grand  bien  qu'il  luy  a  pleu  me  faire.  Mais  outre  tout  cela  le  bon  Dieu  me  fait  ce  bien  d'avoir  trouve  un  trouppeau  de  vrayes  brebis  de  Iesus  Christ,  lequel  se  renge  tellement  sous  le  ioug  de  Iesus  Christ  que  ie  m'estime  trop  indigne  d'un  tel  bien.  Et  faut  que  ie  confesse  (comme  la  verite  est)  que  Dieu  qui  m'a  envoye  icy  par  vostre  moyen,  deploye  de  plus  en  plus  sa  misericorde  sur  moy  povre  et  chetif  que  ie  suis.  Ie  prie  ce  bon  Dieu  et  pere  de  misericorde  au  nom  de  son  cher  filz  Iesus  Christ  nostre  sauveur,  vous  conserver  longuement  a  son  eglise  et  vous  donner  sept  fois  autant  de  consolations  que  i'en  recoi  par  vostre  moyen,  et  non  seulement  a  vous  mais  aussi  au  bon  M.  Pierre  Viret5)  et  a  tous  voz  freres  et  compaignons  en  loeuvre  du  Seigneur.  Et  a  Dieu  soyez  vous,  Monseigneur.  De  Chaalons  ce  6e  jour  d'Octobre  par  le  tout  et  a  iamais  Yostre  humble  serviteur  et  frere  en  Christ  Pierre  Fornelet  disciple  et  ministre  indigne  de  Iesus  Christ.  4)  a  Paris,  ou  il  s'etait  reuni,  pour  le  colloque  de  Poissy,  un  grand  nombre  de  ministres  ei  de  laiques.  L'Hist  eccl  ne  dit  rien  de  ce  synode.  5)  ll  parait  ignorer  que  V.  n'etait  plus  a  Geneve.