18:22  3167.  PASCHALIS  0  CALVINO.  Queritur  se  a  famulo  dimisso  calumniis  apud  Genevenses  inf  amotum  esse.  (Ex  autographo  Cod.  Paris  Dupuy  102,  fol.  139.)  Doctrina  et  pietate  viro  clarissimo  D.  Iohanni  Calvino  Genevensis  ecclesiae  pastori  ac  fratri  colendissimo.  Genevae.  S.  P.  in  Domino.  Quam  ego,  ab  eo  tempore  quo  te  primum  novi,  tui  nominis  studiosus,  nedum  tui  semper  amantissimus  exstiterim,  non  pauci  quum  honesti  tum  religiosi  viri  testificari  possunt.  Quam  vero  ea  ipsa  Christi  servatoris  doctrina,  quam  tu  multis  editis  voluminibus  pioque  conatu  omnibus  hominibus  proponere  non  defatigaris,  mihi  in  imo  pectore  infixa  inconcussaque  etiam  nunc  haereat,  novit  Dominus  cui  uni  hanc  ipsam  gratiam  acceptam  fero,  et  cuius  dono  semper  eandem  in  me  futuram  spero  atque  confido.  Licet  huius  veritatis  testes  permultos  etiam  probos  viros,  tibi  inprimis  notos,  de  Christi  ecclesia  bene  meritos,  erga  te  optime  affectos,  et  quibus  tu  vicissim  omnem  pietatem  tribuis,  afferre  possem.  Quum  haec  igitur  se  ita  habeant,  quali  quantove  dolore  me  putas  affecerunt  modo  nonnullorum  amicorum  literae,  nec  non  soceri  mei  viva  voce  emissa  verba,  ex  quibus  omnibus  audivi  impudentiam  Ito-  Uti,  nuper  famuli  mei,  eo  usque  prorupisse  ut  non  dubitaverit  coram  ipsis  Dominis  istiusque  civitatis  pientissimis  praefectis,  ac  coram  omnium  tuorum  fratrum  et  comministrorum  venerando  coetu  me  deferre,  quod  in  tui  atque  doctrinae  tuae  odium  omnem  pietatis  doctrinam  abnegaverim?  Nihil  equidem  tristius  afferre  poterant.  Significaverat  illi  quidem  paulo  ante,  Boletum  haec  et  alia  huius  generis  quam  plurima  de  me  in  plebem  magno  applausu  iam  sparsisse.  Sed  tunc  visum  fuit  huiusmodi  nequissimi  hominis  calumnias  facillime  potuisse  dilui,  si  datis  ad  collegium  nostrum  adeoque  ad  3167.1)  Giulio  Cesare  Paschali  Italus,  Institutionem  Calvini  in  I.  ital.  vertit  (Institutione  della  Religion  Christiana  di  Messer  Giov.  Calvino  in  volgare  tradotta  per  G.  C.  P.  In  Geneva  appresso  Iacopo  Burgese  Ant.  Davodeo  et  Franc.  Iacchi  1557.  4.)  cf.  Henry  III.  185,  qui  eundem  etiam  Vireti  et  al  opuscula  vertisse  dicit.  Musis  etiam  se  dicaverat  et  a.  1592  a.  aet.  65  sexaginta  psalmos  prelo  dedit,  item  librum  Rime  spirituali  continentem  et  primum  cantum  q.  d*  magni  carminis  epici  (Universo),  historiam  sacram  a  condito  orbe  ad  Ganaaniticae  terrae  expugnationem  enarrantis.  2*