13:22  tius  atque  iucundius  accidere  posse,  quam  si  mihi  ipse  apud  te  vivendi  facultatem  aliquam  dederit.5)  Et  quamvis  ingentia  pericula  vobis  ab  Antiocho6)  impendere  non  dubito,  tamen  si  haberem  (ut  tecum  pro  tua  singulari  humanitate  agam  familiariter)  aureos  viginti  aut  plus  quiddam,  tibi  sancte  affirmo,  perlubenter  me  atque  percupide  apud  te,  si  velles,  hyematurum  esse.  Sic  enim  tibi  velim  persuadeas  verba  illa  tuarum  ad  me  literarum  non  minus  certe  acria  quam  aurea:  potius  te  ad  beatam  mortem  ducere  cuperem  quam  in  misera  vita  relinquere,  suam  plane  in  animo  meo  vim  atque  autoritatem  obtinuisse.  Tametsi  ut  non  hyemem  tantum  sed  etiam  aestatem  hic  transigerem,  non  tamen  in  misera  me  abs  te  vita  relictum  esse  faterer.  Precor  autem  Dominum  ex  animo  ut  me  mille  potius  beatas  mortes  obire  quam  in  misera  vita  diem  unum  traducere  patiatur.  Atqui  tam  multa,  inquis,  pericula  tibi  undique  obversantur.  Quis  negat?  Sed  quo  igitur  abeam?  Mene  hac  civitate  delectari  censes,  in  qua  ne  in  hospitii  quidem  officinam  ingredi  vix  possum  quin  a  conspectu  cuiuspiam  e  patris  familiaribus  iter  forte  facientis  mihi  metuam?  7)  Detineo  te  fortasse  diutius  quam  aequum  est:  sed  id  quod  initio  statui,  animum  tibi  meum  aperire  volui.  Valde  nos  omnes  tuae  commoverunt  literae.  Quin  ipse  quoque  adolescens,  sane  quam  ingenuus  et  mihi  plus  quam  credas  amicus  atque  benevolus,  G.  Tyrius,  nescio  quomodo  iis  audiendis  in  tui  admirationem  adductus  est.  Verum  ego  praecipuo  quodam  modo  sensi  me  iis  affici  oportere,  primum  quod  ad  me  praecipue  pertinerent,  deinde  quod  videbam  te  in  quandam  de  me  diffidentiam  excidisse.  Itaque  conatus  sum  ista  satis  longa  oratione  illam  ex  animo  tuo  eximere.  Quid  autem  praestiterim  ignoro.  Dominus  ipse  quod  volet  efficiet.  Caeterum  eum  ego  imploro  atque  obtestor,  ut  notam  tibi  meam  erga  se  fidem  atque  constantiam  faciat,  uti  quemadmodum  te  hactenus  instituisse  facile  mihi  persuadeo,  ita  pro  me  apud  illum  proque  fidei  meae  incremento  vota  facere  non  desinas.  Bene  vale,  vir  clarissime,  praestantissime  Christi  minister  et  pater  in  Domino  mihi  semper  observande.  Dominus  Iesus  adversus  nefarios  impiorum  omnium  conatus  spiritu  suo  te  confirmet  et  ecclesiae  suae  incolumem  quam  diutissime  conservet.  Lugduni  27.  Iul.  1548.  Tuus  Tuique  observantissimus  Franciscus  HTMNS.  5)  Antequam  Lausannam  vocaretur  aliquamdiu  apud  Calvinum  commoratum  esse  autor  est  JBaylius.  6)  Utrum  Imperatorem  significet  an  JRegem  parum  inter  est.  De  re  ipsa  lege  proximam  Sulseri.  7)  Pater  sacris  pontificiis  fervide  adhaerens  filium  omni  auxilio  destitutum  quasi  eiuraverat