9:219  219  ULTIMA  ADMONITIO  220  tione  fuisse  ab  illis  digestum:  sed  dum  mutuum  muli  scabunt,  quod  cuique  effutire1)  placuit,  ab  aliis  receptum.  Atque  ut  reliqua  omittam,  quid  sibi  vult  quod  tricesimo  loco  idem  prorsus  inculcant,  nisi  quia  symbolum,  quod  secundus  attulerat,  prior  repudiare  noluit?  Venio  nunc  ad  solutionem.  Dicunt,  nos  [pag.  230]  arguere  a  dicto  secundum  quid  ad  dictum  simpliciter.  Unde  probant?  quia  maior  continet  principium  physicum,  quod  de  corporibus  intelligitur  in  quibus  nihil  inest  praeter  creaturam.  Quaerunt  igitur,  fuerit  infinitum  illud  corpus  necne,  in  quo  Deus  Abrahae  apparuit.  Si  quid  eos  puderet,  hic  certe  obmutescerent,  ne  cum  puerili  suo  garritu  proderent  quam  inter  se  fovent  profanam  ambitionem.  Ad  minorem  respondent,  Christum  non  humana  modo  natura,  sed  divina  etiam  praeditum  esse,  quae  ineffabiliter  inter  se  unitae  sunt.  Quid  inde  tandem  efficient?  certe  non  conflabunt  quod  imaginati  sunt  monstrum,  quando  non  permiscet  neque  confundit  duas  naturas  personae  unitas.  Et  quando  ecclesiam  citant  testem,  tenere  saltem  debuerant  quid  secundum  vulgarem  usum  istae  loquendi  formae  inter  se  differant,  unitas  et  unio.  Unitas  personae  in  Christo  [pag.  231]  sine  controversia  inter  omnes  orthodoxos  recipitur.  Si  naturae  divinae  cum  humana  praedicetur  unitas,  nemo  pius  erit,  qui  non  abhorreat  :  ergo  in  unione  necesse  est,  ut  sua  cuique  naturae  maneat  proprietas  integra.  Quod  quaerunt  rursus,  quomodo  intacto  sigillo  monumentum  suum  pertransierit  Christus,  et  foribus  clausis  pertransierit  ad  discipulos,  nova  solutione  non  indiget.  Quid  enim  impedient  clausurae  omnes,  hominum  artificio  factae,  quominus  sibi  transitum  Deus  patefaciat?  Nam  qui  de  nihilo  creavit  omnia,  potest  ad  tempus  in  nihilum  redigere  quae  videntur  impedire  progressum  operum  eius.  Et  sane  quorsum  redacta  corpora  esse  dicemus,  quibus  et  angelos  suos,  et  se  ipsum  induit  Deus,  postquam  exsequutus  est  quod  volebat?  Prodierunt  igitur  corpora,  Dei  mandato,  postea  evanuerunt:  et  tamen  fateri  oportet  vera  fuisse  corpora.  Hic  [pag.  232]  de  potentia  Dei  non  inquirimus  subtilius  quam  par  est,  sicuti  nos  criminantur  isti  homines,  quibus  potentia  Dei  utinam  fumus  non  sit,  ut  pro  fuco  ab  illis  obtenditur.  Facessant  ergo  fucosi  isti  colores,  quod  corpus  suum  Christus  in  sublime  sustulerit.  Neque  enim  hic  agitur  quae  miracula  ediderit  Christus  in  carne  qua  vestitus  erat:  sed  quid  necessario  requirat  vera  corporis  natura.  Ambulavit  Petrus  super  aquas:  an  ideo  dedit  habere  verum  corpus?  Quod  factum  esset,  si  eodem  momento  vel  in  navi,  vel  in  portu  sedisset:  quia  spectrum  et  imaginatio  fuisset  quidquid  apparuisset.  Petrus  ipse  quum  e  carcere  egressus  est,  non  pene-  1)  de  cliquer.