8:219  219  PROCES  DE  BOLSEC.  220  habere,  ac  si  per  se  aliqua  ex  parte  ad  bonum  aspirare  queat.  Hoc  enim  modo  liberum  arbitrium  spiritus  sancti  socium  facit.  Atqui  scriptura  pronunciat,  figmentum  omne  cordis  humani  non  nisi  pravum  esse  (Gren.  8,  21).  Item,  omnes  esse  corruptos,  alienatos  a  rectitudine,  nec  quemquam  esse  qui  Deum  requirat  (Rom.  3,  ll  sq.).  Item,  cor  hominis  ignorantia  obtenebratum  esse,  ut  omnes  spiritualiter  mortui  sint:  ne  ad  cogitandum  quidem  aliquid  boni  esse  idoneos  (Eph.  2,  1;  4,  18.  2  Cor.  3,  5).  Item,  omnes  carnis  cogitationes  Deo  esse  inimicas  (Rom.  8,  7).  Quod  hominem  fore  brutum  animal  causatur,  nisi  libero  arbitrio  sit  instructus,  potius  cum  Paulo  quam  nobiscum  litiget.  Nam  ille  hominem,  quatenus  in  puris  naturalibus  respicitur,  mancipium  peccati  esse  affirmat  (Rom.  7,  25).  Litem  etiam  ipse1)  Christo  intentet,  qui  servos  esse  dicit  quoscunque  non  liberaverit  (Ioann.  8,  34  sq.).  Quaesierunt  ministri:  Annon  talis  reformatio  Dei  sit  peculiare  donum,  quo  eos  dignatur  qui  prius  corda  lapidea  habebant,  nihil  bonae  praeparationis  in  ipsis  reperiens?  Respondit  Hieronymus:2)  Quos  Deus  per  Christum  reformavit,  eos  speciali  gratia  reformatos  esse,  et  datum  illis  cor  carneum,  corde  lapideo  ablato,  idque  citra  meritum  ipsorum,  sed  gratuito  beneficio  Dei.  Excipiunt  ministri:  Non  sincerum  nec  solidum  esse  Hieronymi  responsum,  sed  eum  suo  more  latebras  et  subterfugia  quaerere,  sub  quibus  suum  de  libero  arbitrio  errorem  occultet.  Neque  enim  respondet,  an  peculiarem  Deus  gratiam  quibusdam  conferat,  qua  alios  non  dignatur,  quo  tempore  par  et  aequalis  in  omnibus  est  cordis  durities.  Quaesierunt  ministri:  Quum  scriptura  docet,  nos  fide  salutem  consequi,  annon  fidem  hanc  nobis  donari  credat  quia  1)  ipsi?  2)  Eos  fuisse  per  gratiam  specialem  reformatos,  quos  Deus  per  L  C.  restauravit,  et  in  ipsis  posita  fuisse  corda  carnea  lapideis  ablatis,  dono  Dei  gratuito,  absque  praecedentibus  meritis  quibuscunque.