7:219  219  CONTRE  LA  SECTE  220  aspres  estre  convertie  a  Iesus  Christ,  non  seulement  elle  loge  les  Apostres  pour  une  fois:  mais  estans  puis  apres  sortis  de  prison,  se  retirent  ches  elle.  Ceux  ou  celles  dont  ie  parle  estoyent  les  plus  parfaictz  entre  les  Chrestiens.  Et  toutesfois  il  n'y  avoit  point  une  communion  de  biens  confuse  entre  eux.  Mais  ce  seroit  chose  superflue,  et  aussi  par  trop  longue,  de  recueillir  tous  les  exemples  particuliers,  pour  monstrer  que  les  fideles  en  communiquant  leurs  biens  ensemble,  ne  mesloyent  [page  172]  point  en  confus  ce  qu'ilz  avoyent:  mais  retenant  chacun  le  sien  entre  ses  mains,  le  dispensoyent  selon  l'exigence  de  la  necessite.  Car  nous  avons  la  doctrine  generalle,  a  laquelle  s'arrester  c'est  bien  tousiours  le  plus  seur.  Seulement  ie  produiray  encor  un  exemple  particulier:  et  puis  nous  ferons  la  conclusion,  suyvant  icelle  doctrine  generale,  qui  est  la  vraye  reigle,  ou  'il  nous  convient  le  tout  compasser.  Voila  Philemon,  lequel  sainct  Paul  non  sans  cause  appelle  son  compaignon  d'armes  en  l'oeuvre  du  Seigneur,  et  le  loue  a  cause  de  sa  foy  et  sa  charite  excellente,≫  et  renommee  par  tout,  qu'il  a  envers  Dieu  et  envers  tous  les  sainctz.  Neantmoins  il  ne  laisse  pas,  de  posseder  non  seulement  ses  heritages,  et  bien  meubles:  mais  aussi  ses  serfz  et  servantes,  qui  estoyent  de  ce  temps  la  comme  esclaves.  Car  ce  n'estoyent  pas  serviteurs  qu'on  tient  a  louage:  mais  on  les  possedoit  pour  s'en  servir  toute  sa  vie,  ou  pour  les  vendre  et  aliener.  C'estoit  donc  une  chose  bien  [page  173]  plus  estrange,  qu'un  maistre  iouyst  a  telle  condition  de  ses  serfz,  que  de  retenir  le  reste  de  son  bien,  comme  chevance  ou  possessions.  Or  sainct  Paul  ne  luy  commande  pas  de  tout  gecter  la:  mais  le  prie  de  recevoir  Onesyme  son  serf,  qui  s'en  estoit  fuy.  Si  un  homme,  qui  est  comme  un  miroir  de  perfection  aux  autres,  iouyst  ainsi  de  son  bien  en  bonne  conscience,  et  est  approuve  de  sainct  Paul  en  ce  faisant,  qui  est-ce  qui  osera  imposer  une  loy  toute  diverse  aux  Chrestiens?  Venons  a  la  doctrine  commune,  ou  gist  la  vraye  decision.  Sainct  Paul  n'enseigne  pas  Timothee,  de  commander  aux  riches  de  ce  monde,  de  tout  quicter:  mais  seulement  de  ne  se  point  enorgueillir,  de  ne  point  mettre  leur  espoir  aux  richesses  corruptibles,  et  d'estre  riches  en  bonnes  oeuvres  (1  Tim.  6,  17).  Il  ne  commande  pas  aux  maistres,  de  donner  conge  a  leurs  esclaves:  mais  seulement  de  les  traicter  en  raison  et  humanite  (Ephes.  6,  9;  Col.  4,  1).  Il  ne  commande  pas  de  ne  plus  vendre  ny  achepter:  mais  seulement  de  [page  174]  ne  point  circonvenir  ou  frauder  noz  prochains  en  vendant  ou  acheptant  (1  Thess.  4,  6).  Item,  que  ceux  qui  acheptent,  soyent  comme  n'acheptans  point  (1  Cor.  7,  30).  Il  ne  commande  point  de  renoncer  a  ses  heritages,  mais  seulement  de  les  posseder  comme  ne  les  possedant  point.  Finablement