55:219  219  EPIST.  PETRI  I  220  tiam,  nihilo  tamen  segniores  in  eius  in  praedicatione  fuerunt,  tantum  abest,  ut  fracti  taedio  fuerint.  Quod  si  tanta  fuit  illorum  patientia,  nos  certe  bis  et  ter  ingrati,  nisi  gratiae,  quae  illis  negata  fuit,  fruitio,  nos  in  omnibus  quae  patiendae  sunt  aerumnis  erectos  sustineat.  Quae  annuntiata  sunt.  Iterum  discrimen  notat  inter  veterem  doctrinam  et  evangelii  praedicationem  Nam  quemadmodum  iustitia  Dei  in  evangelio  revelatur,  testimonium  habens  a  lege  et  prophetis,  ita  et  coelestis  Christi  gloria,  de  qua  olim  testificatus  est  spiritus,  nunc  palam  annuntiatur.  Simul  autem  certitudinem  evangelii  inde  comprobat,  quod  nihil  continet  nisi  iampridem  a  spiritu  Dei  testatum.  Deinde  admonet,  eiusdem  spiritus  auspiciis,  adeoque  ipso  dictante  et  praeeunte,  promulgatum  esse  evangelium,  ne  quid  hic  humanum  cogitent.  In  quae  desiderant  angeli.  Hoc  vero  maximum  evangelii  encomium  est,  quod  thesaurum  sapientiae  continet,  angelis  adhuc  clausum  et  occultum.  Sed  obiiciet  quispiam,  minime  esse  consentaneum,  nobis  aperta  et  nota  esse  quae  angelos  lateant,  qui  semper  vident  faciem  Dei,  et  in  regenda  ecclesia,  omniumque  bonorum  administratione,  eius  ministri  sunt.  Respondeo  aperta  nobis  esse  quatenus  ea  in  speculo  verbi  intuemur.  Nec  vero  nostra  altior  notitia  praedicatur,  quam  angelorum.  Tantum  intelligit  Petrus  ea  nobis  promitti,  quorum  complementum  angeli  videri  cupiunt  (Ephes.  3,  8).  Dicit  Paulus  in  gentium  vocatione  innotuisse  angelis  admirabilem  Dei  sapientiam.  Nam  hoc  illis  novum  erat  spectaculum,  quod  Christns  mundum  perditum,  et  tot  sacculis  a  spe  vitae  alienatum  aggregabat  ad  suum  corpus.  Ita  quotidie  cum  admiratione  cernunt  magnifica  Dei  opera  in  ecclesiae  gubernatione:  quanto  igitur  magis  stupebunt  ad  supremum  illud  divinae  iustitiae,  bonitatis  ad  sapientiae  specimen,  dum  Christi  regnum  complebitur?  Illud  est  igitur  arcanum,  cuius  revelationem  adhuc  exspectans  et  merito  exoptant.  Tametsi  duplex  huius  loci  potest  esse  sensus:  vel  quod  referatur  nobis  thesaurus  in  evangelio,  qui  in  sui  desiderium  rapit  ipsos  angelos,  quia  illis  hoc  maxime  laetum  est  spectaculum:  vel  quod  regnum  Christi,  cuius  viva  in  evangelio  effigies  expressa  est,  cupide  videre  appetunt.  Atque  hic  secundus  magis  videtur  congruere.  13.  Quare  succincti  lumbis  mentis  vestrae,  sobrii,  perfecte  sperate  in  eam,  quae  ad  vos  defertur,  gratiam,  in  revelatione  Iesu  Christi:  14.  tanquam  filii  obedientes,  non  conformati  pristinis,  quae  in  ignorantia  vestra  regnarunt,  cupiditatibus:  15.  sed  quemadmodum  is,  qui  vos  vocavit,  sanctus  est,  ita  ipsi  sancti  in  tota  conversatione  reddamini.  16.  Propterea  quod  scriptum  est:  sancti  estote,  quia  ego  sanctus  sum.