50:219  219  EPIST.  PAULI  AD  GALATAS  220  promissionis  est  metonymia:  continens  enim  accipitur  pro  contento.  23.  Antequam  autem  veniret  fides,  sub  lege  custodiebamur  ,  conclusi  sub  fidem,  quae  revelanda  erat.  24.  Itaque  lex  paedagogus  noster  fuit  in  Christum,  ut  ex  fide  iustificaremur.  25.  Adveniente  autem  fide,  non  amplius  sub  paedagogo  sumus.  26.  Nam  omnes  filii  Dei  estis  per  fidem  in  Christo  Iesu.  27.  Siquidem  quicunque  in  Christum  baptizati  estis.  Christum  induistis.  28.  Non  est  Iudaeus  neque  Graecus,  non  est  servus  neque  liber,  non  est  masculus  neque  femina.  Omnes  enim  vos  unus  estis  in  Christo  Iesu.  29.  Si  autem  vos  Christi:  ergo  semen  Abrahae  estis,  et  secundum  promissionem  haeredes.  23.  Antequam  veniret  fides.  Ilic  plenior  habetur  definitio  propositae  quaestionis.  Nam  aperte  exponit  non  tantum  quis  sit  usus  legis,  sed  etiam  cur  temporalem  esse  oportuerit.  Quia  alioqui  semper  absurdum  videbatur,  Iudaeis  traditam  fuisse  legem,  a  qua  gentes  immunes  essent.  Si  enim  una  ex  Iudaeis  et  gentibus  ecclesia,  cur  diversum  regimen?  Unde  aut  quo  iure  nova  haec  libertas,  quum  sub  legis  subiectione  fuissent  patres?  Ergo  eiusmodi  esse  discrimen  docet  quod  ecclesiae  unionem  et  concordiam  non  impediat.  Iterum  monendi  sunt  lectores,  Paulum  non  de  caeremoniis  tantum,  nec  de  lege  morali  seorsum  loqui:  sed  totam  oeconomiam  comprehendere,  qua  Dominus  sub  vetere  testamento  populum  suum  gubernavit.  Hoc  enim  veniebat  in  disceptationem:  utrum  forma  regiminis  a  Mose  instituta  valeret  ad  comparandam  iustitiam.  Hanc  legem  Paulus  carceri  primum  vel  custodiae  comparat:  deinde  paedagogo.  Utraque  similitudine  palam  facit,  talem  fuisse  legis  naturam,  ut  nonnisi  ad  certum  tempus  vigere  debuerit.  Fides.  Significat  revelationem  plenam  eorum,  quae  tunc  latebant  sub  obscuritate  umbrarum  legis.  Neque  enim  fidem  adimit  patribus,  qui  sub  lege  vixerunt.  De  fide  Abrahae  prius  visum  est.  Aliorum  exempla  commemorat  autor  epistolae  ad  Hebraeos.  Denique  fidei  doctrina  testimonium  habet  a  Mose  et  omnibus  prophetis:  sed  quia  tunc  fidei  claritas  non  ita  palam  exstabat,  ideo  tempus  fidei  appellat  tempus  novi  testamenti,  comparative,  non  simpliciter.  Atque  hunc  sibi  fuisse  sensum  mox  demonstrat,  quum  dicit  conclusos  fuisse  sub  fidem  quae  erat  revelanda.  Testatur  enim  his  verbis,  participes  fuisse  eiusdem  fidei,  qui  sub  legis  custodia  erant.  Neque  enim  lex  a  fide  eos  arcebat:  sed  ne  vagarentur  extra  septa  fidei,  retinebat  ipsos.  Et  est  elegans  allusio  ad  id,  quod  ante  posuerat,  scripturam  concludere  omnia  sub  peccatum.  Quemadmodum  ergo  undique  tenebantur  obsessi  a  maledictione:  ita  huic  obsidioni  habebant  oppositam