5:219  PSYCHOPANNYCHIA.  ultimam  repromissionem,  ne  sine  nobis  perficerentur.  Cuius  verbi  si  proprietatem  observassent,  nunquam  concitassent  tantas  turbas.  Mirum  quomodo  caecutiant  in  tanta  luce.  Sed  hoc  magis  mirum,  quod  panem  nobis  pro  lapidibus  porrigunt:  hoc  est,  dum  volunt  impellere,  sustinent.  Iam  quod  de  Thabita  narratur  in  Actis  Apostolorum  (Act.  9,  40),  putant  valde  firmum  sibi  esse  columen.  Quae  quum  discipula  fuisset*)  Christi,  plena  bonis  operibus  et  eleemosynis,  suscitata  est  ex  mortuis  a  Petro.  Iniuriam  aiunt  factam  Thabitae,  si  verum  dicimus,  animas  solutas  a  corpore  cum  Deo  et  in  Deo  vivere,  quod  revocata  sit  a  consortio  Dei  et  beata  illa  vita,  in  hoc  mare  malorum.  Quasi  vero  non  liceat  idem  contra  eos  retorquere.  Nam  sive  dormiebat,  sive  nihil  erat,  quia  tamen  defuncta  erat  in  Domino,  beata  erat.  Non  igitur  expediebat  illi  redire  in  hanc  vitam,2)  quam  confecerat.  Hunc  nodum  quem  colligarunt,  priores  ipsi  dissolvant.  Siquidem  aequum  est  eos  legi  parere,  quam  aliis  imponunt.  Quanquam  nobis  dissolvere  facile  est.  Quaecunque  nos  maneat  sors  post  mortem,  quod  de  se  ait  Paulus,  transfertur  ad  omnes  fideles:  ut  mori  nobis  sit  lucrum,  et  esse  cum  Christo  melius  (Phil.  1,  21).  Et  tamen  Paulus  dicit,  Epaphroditum,  qui  certe  in  numero  [fol.  40]  fidelium  erat,  misericordiam  consequutum  a  Domino,  quod  infirmatus  ad  mortem,  revaluisset  (Phil.  2,  27).  Isti  quidem,  qui  tam  irreverenter  et  parum  sobrie  tractant  Dei  mysteria,  misericordiam  istam  interpretarentur  crudelitatem.  Nos  vero  misericordiam  sentimus  et  fatemur,  quum  sint  gradus  misericordiae  Dei,  sanctificari  electos,  glorificari  sanctificatos.  Nonne  igitur  misericordiam  suam  exercet  Dominus,  quum  nos  magis  ac  magis  sanctificat?  Quid  si  voluntas  Dei  est  magnificari  in  corpore  nostro  per  vitam,  ut  ait  Paulus  (Phil.  1,  20),  nonne  misericordia  est?  Quid  quod  Deo  legem  miraculorum  dicere  non  nostrum  est?  Satisque  est,  si  in  illis  eluceat  autoris  gloria.  Quid  si  dicamus  Deum  non  consuluisse  Thabitae  commodis,  sed  pauperes  respexisse?  ad  quorum  certe  preces  suscitata  est,  flentium  et  ostendentium  vestes,  quas  consuebat  illis  Thabita.  Hanc  enim  rationem  vivendi  sufficere  sibi  credebat  Paulus,  quum  multo  melius  esset  illi,  ad  Deum  migrare.  Et  quum  Deum  misertum  esse  Epaphroditi  dixisset,  subiecit:  Non  solum  autem  eius,  sed  et  mei,  ne  tristitiam  super  tristitiam  haberem.  Ite  nunc,  et  Deo  dicam  dicite:  quod  mulierem  in  ministeria  pauperum  "'sedulam  reddidit  pauperibus.  Nam  ut  constet  nobis  operis  ratio,  hoc  certe  Christus  meruit,  ut  glorificetur  in  vita  nostra,  et  in  morte:  qui  1)  esset,  1576  seqq.  2)  Sic  restituimus  lectionem  poscente  sensu  et  argumento.  Gallica  versio  assentitur.  Antiquiores  tamen  lihri  omnes  1542.1576  habent:  viam.