29:219  219  SERMON  OC.  220  ans  encores  il  a  eu  tout  ce  qui  estoit  requis  en  ceste  charge  tant  difficile  et  tant  pesante,  comme  nous  savons  qu'elle  luy  estoit  donnee.  Il  est  vray  qu'il  avoit  des  Iuges  avec  luy:  mais  si  est-ce  encores  qu'un  homme,  voire  une  douzaine  n'eust  peu  satisfaire,  quand  on  les  eust  choisis  les  plus  excellens  du  monde.  Il  faut  bien  donc  que  Dieu  luy  ait  aide.  Or  qu'en  telle  vieillesse  la  ou  les  hommes  ont  accoustume  d'estre  caduques,  et  a  demi  morts,  pour  le  moins  ils  ne  se  peuvent  trainer  qu'a  grand  peine,  et  sont  a  demi  stupides  :  que  Moyse  est  demeure  tousiours  en  son  estat:  en  cela  voit-on  comme  Dieu  a  eu  pitie  de  son  peuple.  Or  ceci  notamment  est  declare,  afin  que  lea  enfans  d'Israel  cognoissent  que  Dieu  ne  les  a  iamais  delaissez,  encores  qu'ils  Feussent  griefvement  offense,  et  qu'ils  fussent  dignes  d'estre  retanchez  de  sa  maison,  et  d'estre  du  tout  desnuez  de  ses  graces:  qu'il  n'a  pas  voulu  user  de  telle  rigueur:  car  il  a  reserve  Moyse,  et  luy  a  donne  dequoy  pour  accomplir  tousiours  sa  charge.  En  somme  il  nous  est  monstre  en  ce  passage,  que  si  Dieu  nous  donne  gens  qui  s'employent  fidellement  pour  nostre  conduite,  et  qui  ayent  la  vertu  quant  et  quant  avec  le  vouloir,  et  qu'ils  soyent  maintenus  pour  satisfaire  a  leur  office:  qu'en  cela  il  nous  faut  sentir  que  Dieu  a  pitie  de  nous,  et  faut  recognoistre  un  tel  benefice  si  nous  ne  voulons  estre  condamnez  d'ingratitude.  Or  il  est  dit:  Que  les  enfans  d'Israel  ont  mene  dueil  sur  le  trespas  de  Moyse  par  trente  iours.  C'estoit  une  chose  commune  qu'on  fist  ainsi  le  dueil  sur  les  trespassez:  mais  a  cause  que  Moyse  estoit  pere  de  tout  le  peuple,  il  falloit  bien  qu'il  n'y  eust  pas  une  seule  maison  ou  famille  qui  le  pleurast,  mais  tous  ceux  qui  avoyent  este  gouvernez  par  luy.  Chacun  sera  pleure  en  sa  maison  de  ses  parens  et  prochains  amis:  mais  il  y  a  une  raison  speciale  en  Moyse,  d'autant  que  Dieu  luy  avoit  donne  tout  le  peuple,  et  l'avoit  conduit  avec  une  solicitude  paternelle,  ainsi  que  nous  savons.  Le  peuple  donc  proteste  combien  il  est  tenu  et  oblige  a  Moyse,  et  tous  se  declarent  comme  ses  enfans.  Mais  ici  on  pourroit  demander  s'il  est  licite  de  se  lamenter  ainsi,  quand  un  homme  trespasse:  caril  semble  que  cela  soit  contrevenant  a  la  volonte  de  Dieu.  Nous  savons  que  la  vie  et  la  mort  des  hommes  est  en  la  main  de  Dieu:  or  s'il  nous  retire,  il  faut  que  nous  marchions  (comme  il  fut  hier  declare),  sans  aucun  contredit.  Ceux  qui  vivent  apres  nous,  ne  doyvent  pas  regretter  nostre  trespas:  car  ce  seroit  comme  se  rebecquer  a  l'encontre  de  Dieu:  mais  il  nous  faut  regarder  tousiours  la  fin  du  dueil,  quand  on  pleure  au  trespas  des  hommes:  et  puis  il  nous  faut  venir  a  la  mesure.  Il  y  a  donc  ces  deux  choses  que  nous  devons  bien  observer,  afin  qu'un  dueil  soit  licite.  La  premiere  c'est,  que  nous  pleurions,  voyans  un  homme  tres-