27:219  219  SERMON  LXXXV.  220  horreur  d'une  telle  rage.  Car  comment  est-il  possible  qu'ils  se  soyent  ainsi  alienez  de  toute  raison,  qu'ils  ayent  oublie  mesmes  humanite,  quand  ils  ont  voulu  servir  a  leurs  dieux?  Qu'est-ce,  d'aller  brusler  leur  propres  enfans?  Voila  les  peres  qui  doyvent  sentir  quand  Dieu  leur  donne  des  enfans,  que  c'est  une  benediction  singuliere,  d'autant  qu'il  les  ordonne  en  son  lieu,  afin  qu'il  y  ait  tousiours  quelque  semence  au  monde  pour  estre  servi  et  honore:  voila  les  peres  qui  iettent  leurs  enfans  au  feu,  et  en  sont  meurtriers.  Et  ainsi,  nous  voyons  que  les  idolatres  auront  bien  quelque  devotion  qui  les  transporte  :  mais  c'est  comme  une  furie,  ils  sont  phrenetiques,  que  le  diable  les  possede  tellement,  qu'ils  n'ont  plus  ne  discretion,  ne  prudence.  Et  approuverons-nous  cela?  Nous  voyons  donc  a  quoy  Moyse  a  pretendu,  alleguant  ici  que  les  povres  Payens  avoyent  brusle  leurs  enfans,  et  que  par  ce  moyen  ils  s'estoyent  du  tout  endiablez,  que  c'estoit  une  chose  execrable  que  de  leur  devotion:  combien  qu'ils  la  prisassent  beaucoup.  Si  on  allegue  que  Dieu  a  commande  le  semblable  a  Abraham:  nous  voyons  l'issue.  Il  est  vray  que  Dieu  a  voulu  esprouver  la  foy  d'Abraham  iusques  la,  quand  il  luy  a  commande  de  tuer  son  propre  fils:  mais  cependant  c'a  este  un  exemple  singulier  pour  un  item,  et  non  point  une  reigle  commune.  D'autre  coste,  Dieu  y  a  proveu,  et  a  monstre  qu'il  ne  demandoit  point  sacrifice  de  sang  humain:  car  il  a  preserve  Abraham,  quand  c'est  venu  sur  le  coup.  Il  y  a  donc  grande  diversite  entre  ceste  obeissance  qu'Abraham  a  rendue  a  Dieu,  quand  il  a  appreste  le  sacrifice  de  son  fils  Isaac,  et  la  furie  de  ces  povres  aveugles,  quand  ils  ont  voulu  honorer  leurs  idoles,  en  meurtrissant  leurs  enfans.  Par  cela  apprenons  en  general  de  bien  noter,  que  si  nous  voyons  les  povres  incredules  s'estre  desbordez  en  des  facons  brutales,  que  nous  soyons  tant  mieux  retenus  pour  ne  les  point  ensuyvre.  Comme  quoy?  Auiourd'huy,  outre  ce  qui  nous  est  dit  en  general,  que  nous  ne  devons  point  ensuyvre  les  Papistes,  d'autant  que  tout  ce  qu'ils  appellent  service  de  Dieu,  n'est  qu'un  amas  de  vaines  phantasies,  qu'un  chacun  a  voulun  bastir  en  son  cerveau,  et  c'a  este  une  confusion  horrible,  qu'ils  n'ont  point  une  syllabe  de  la  parolle  de  Dieu  pour  approuver  ce  qu'ils  font,  et  en  quoy  ils  se  tormettent  beaucoup:  outre  cela  ils  se  sont  tellement  abrutis,  que  nous  devons  avoir  honte  de  leur  bestise.  Et  qu'ainsi  soit:  s'aller  prosterner  devant  des  marmousets,  comme  si  Dieu  estoit  la  present?  Ils  diront:  Nous  n'adorons  pas  les  images:  mais  on  voit  quelle  reverence  ils  leur  font:  et  c'est  la  premiere  lecon  qu'on  apprend  en  leur  synagogue.  Et  au  reste,  il  est  certain  que  quelque  excuse  qu'ils  prennent,  quand  ils  iront  devant  l'image  de  saincte  Barbe,  qui  ne  fut  iamais